Viloyat hokimi Xayrullo Bozorov bugun Farg‘ona tumanidagi Yangi asr MFYda o‘ziga biriktirilgan yoshlar bilan uchrashdi
2026-03-19 17:55:00 / Yangiliklar
Yuzma-yuz muloqotda otaliqqa olingan yoshlarning muammo va takliflari eshitildi. Ularning muammolariga tezkor yechim topish, ertangi kunga bo‘lgan ishonchini yanada mustahkamlash, har tomonlama qo‘llab-quvvatlash, jamiyatda munosib o‘rin egallashlariga ko‘maklashish masalalariga alohida e’tibor qaratildi.
Viloyat rahbari yoshlar bilan manzilli ishlash, jamiyatga moslashtirish va bandligini ta’minlash yuzasidan mutasaddi rahbarlarga tegishli topshiriq va ko‘rsatmalar berdi.
Shundan so‘ng Farg‘ona davlat universitetining jismoniy madaniyat yo‘nalishida tahsil olayotgan Zuhra Uzoqova xonadoniga ham borildi. Mehribonlik uyi tarbiyalanuvchisi bo‘lgan Zuhra Uzoqova o‘ziga uy berilgani, yashash sharoitlari uchun barcha qulayliklar yaratilgani, zarur yordam va ko‘maklar ko‘rsatilib kelinayotgani haqida aytib o‘tdi. Viloyat hokimi suhbat chog‘ida bu qizning sharoitlari va muammolari bilan qiziqdi hamda doimiy e’tiborda ekanligi ma’lum qilindi.