Farg‘оnа vilоyati hоkimligi

Uning otasi piyoz yetishtirish va sotish bilan shug‘ullanadi. Azamatjon yosh bo‘lishiga qaramay, bo‘sh vaqtlarida otasiga piyoz sotishda yordam beradi. Shu bilan birga, u bu jarayonda vaqtini behuda o‘tkazmasdan kitob mutolaa qiladi. Zamonaviy kasblarga, xususan, IT sohasiga bo‘lgan qiziqishi ham yuqori.

Azamatjonning ana shu mehnat jarayonida kitob o‘qib borishi va kelajakdagi qat’iy maqsadlari ijtimoiy tarmoqlarda keng tarqalib, ko‘pchilikning e’tiboriga tushdi. 

U hozirda Farg‘ona shahridagi 39-maktabda tahsil olmoqda. O‘zining intilishi va harakatchanligi bilan Azamatjon nafaqat ikki nafar ukasiga, balki tengdoshlariga ham ibrat bo‘lib kelmoqda.

Yoshlar kuni munosabati bilan viloyat hokimi Xayrullo Bozorov Azamatjonning xonadoniga tashrif buyurib, u bilan uchrashdi. Oila a’zolarini yaqinlashib kelayotgan muborak Ramazon hayiti va Navro‘z bayrami bilan chin dildan tabrikladi.

Viloyat rahbari Azamatjonning orzu va maqsadlari bilan qiziqdi. Hayotda ilm olish, kitob o‘qish, kasb-hunar o‘rganish muhimligini qayd etib, Azamatjonning kelgusidagi ishlariga omad tiladi. 

Tashrif davomida oila a’zolari hamda mahalla mutasaddilari bilan muloqot qilinib, Azamatjonning ta’lim olishi, kasb-hunar egallashi va kelgusida har tomonlama qo‘llab-quvvatlash masalalariga alohida e’tibor qaratildi. 

Shuningdek, iqtidorli o‘quvchiga viloyat hokimi tomonidan planshet va dars tayyorlash uchun mebellar topshirildi.