Fargʼona viloyati va Pyontek shahri oʼrtasida hamkorlik yangi bosqichda davom etmoqda
2026-03-12 21:25:00 / Yangiliklar
Uchrashuvda Oʼzbekiston va Koreya Respublikasi oʼrtasidagi strategik sheriklik munosabatlari izchil rivojlanib borayotgani, xususan, hududlararo hamkorlik yangi bosqichga koʼtarilayotgani alohida taʼkidlandi. Аyniqsa, Fargʼona viloyati va Pyontek shahri oʼrtasida yoʼlga qoʼyilgan aloqalar yangi bosqichga chiqib, bugungi kunda oʼzining amaliy samaralarini berayotgani qayd etildi.
Shuningdek, barcha sohalarda oʼzaro manfaatli hamkorlikni yanada jadallashtirish, istiqbolli loyihalarni amalga oshirish uchun barcha zarur shart-sharoitlar yaratib berilishi taʼkidlandi.
Samimiy qabul uchun minnatdorlik bildirgan shahar meri Jong Chang Son hamda shahar Savdo-sanoat palatasi rahbari Kan-su Li Fargʼona viloyati va Pyontek shahri oʼrtasida toʼgʼridan-toʼgʼri yoʼlga qoʼyilgan aloqalar yangi bosqichda davom etayotganini taʼkidlab, hamkorlikdagi loyihalarning dastlabki amaliy bosqichiga kirishilganini maʼlum qilishdi.
Uchrashuv davomida iqtisod, savdo-sanoat, turizm, sport va boshqa sohalarda oʼzaro manfaatli hamkorlikni yanada rivojlantirish masalalari yuzasidan fikr almashildi.
Samimiy ruhda oʼtgan muloqotda bildirilgan takliflar asosida hamkorlik yoʼnalishlarini yanada kengaytirish, shuningdek, rejalashtirilgan ishlar ijrosini jadallashtirish yuzasidan masʼullar belgilanib, aniq chora-tadbirlar kelishib olindi.