Harbiy xizmat sharafli burch, chinakam vatanparvarlik namunasidir
2026-03-12 20:55:00 / Yangiliklar
Viloyat rahbari har bir yigit uchun harbiy xizmat sharafli burch, chinakam vatanparvarlik namunasi ekanini alohida taʼkidlab, ishtirokchilarga minnatdorchilik bildirdi. Shuningdek, hayotda ilm olish va kasb-hunar egallash asosiy maqsad boʼlishi zarurligi qayd etildi.
Prezidentimiz tomonidan yoshlarga harbiy xizmat davomida kasb-hunar oʼrganish, oliy taʼlim muassasalariga oʼqishga kirish, xizmatdan soʼng turli sohalarda oʼz faoliyatini yoʼlga qoʼyish uchun qator qoʼshimcha imtiyoz va kafolatlar yaratilayotgani aytib oʼtildi.
Uchrashuv davomida harbiy xizmatdan qaytgan yoshlarning muammo va takliflari tinglandi, ota-onalarning fikr-mulohazalari eshitildi. Tadbir yakunida ularni ishga joylashtirish va kasb-hunarga yoʼnaltirish boʼyicha aniq vazifalar belgilab olindi.