Viloyat hokimi Xayrullo Bozorov bugun Qo‘qon shahridagi Muqimiy ko‘chasi hamda Bo‘ston MFY hududida yong‘in sodir bo‘lgan ko‘p qavatli uylarni borib ko‘rdi
2026-02-26 18:20:00 / Yangiliklar
Ayni paytda hududda maxsus shtab faoliyati yo‘lga qo‘yilgan. Mutasaddilar tomonidan hodisaning kelib chiqish sabablari atroflicha o‘rganilmoqda, aholiga yetkazilgan zararni bartaraf etish bo‘yicha zarur chora-tadbirlar amalga oshirilmoqda.
Viloyat hokimi jabrlangan fuqarolarga to‘liq va manzilli yordam ko‘rsatilishini, uy-joylarni qisqa muddatda ta’mirlash ishlari tashkil etilishi bo‘yicha mas’ullarga topshiriqlar berdi. Shuningdek, vaziyat doimiy nazoratda ekani qayd etildi.