Qo‘qon universitetida “Nizomiy va Navoiyning adabiy merosi: badiiy timsol va inson falsafasi uyg‘unligi” mavzusida xalqaro ilmiy-amaliy konferensiya bo‘lib o‘tdi
2026-02-10 20:50:00 / Yangiliklar
Mazkur nufuzli anjuman Sharq mumtoz adabiyotining ikki buyuk siymosi — Nizomiy Ganjaviy tavalludining 885 yilligi hamda Hazrat Alisher Navoiy tavalludining 585 yilligi munosabati bilan tashkil etildi.
Tadbirda viloyat hokimining o‘rinbosari Xurshidjon Ahmedov, viloyat hokimi maslahatchisi Sohibjamol Tongotarova, shuningdek, Xitoy, Braziliya, AQSh, Ozarbayjon, Tojikiston, Qirg‘iziston va boshqa davlatlarni o‘z ichiga olgan 15 dan ortiq mamlakatlardan yetuk olimlar, professor-o‘qituvchilar, tadqiqotchilar hamda yosh ilmiy izlanuvchilar ishtirok etdi.
Konferensiyaning asosiy maqsadi Nizomiy va Navoiy ijodidagi badiiy tafakkur, komil inson g‘oyasi, ma’naviyat, ishq va ijtimoiy-falsafiy qarashlarni zamonaviy ilmiy yondashuvlar asosida tahlil qilish, shuningdek, olimlar o‘rtasida ilmiy tajriba almashuvini yanada kuchaytirishdan iborat bo‘ldi.
Tadbir sho‘balarga bo‘lingan holda davom etdi.