Yoshlar orasida giyohvandlikka qarshi kurash — ustuvor vazifa
2026-01-30 18:00:00 / Yangiliklar
Mazkur oylik doirasida bugun poytaxtimiz Toshkent shahrida tegishli vazirlik va idoralar vakillari ishtirokida matbuot anjumani hamda yoshlar forumi tashkil etildi.
Videokonferensaloqa shaklida o‘tgan tadbirlarda Farg‘ona shahridagi Ahmad Farg‘oniy nomidagi viloyat axborot-kutubxona markazi, shuningdek, shahar va tuman studiyalari orqali Farg‘ona viloyatidan mutasaddi idoralar vakillari hamda yoshlar faol ishtirok etdilar.
Anjumanlar davomida yoshlar orasida sog‘lom turmush tarzini qaror toptirish, giyohvandlik va narkojinoyatlarga qarshi immunitetni mustahkamlash, profilaktik tadbirlarni tizimli tashkil etish masalalariga alohida e’tibor qaratildi.
Bunday tadbirlar yoshlar orasida giyohvandlik va narkojinoyatlarga qarshi profilaktik ishlarni kuchaytirish, ularning ongida sog‘lom hayotga intilish hamda jamiyat oldidagi mas’uliyatni oshirishda muhim ahamiyat kasb etishi ta’kidlandi.
Farg‘ona viloyatida ham oylik doirasida amalga oshirilishi rejalashtirilgan hamkorlikdagi chora-tadbirlar kelishib olindi.