Farg‘оnа vilоyati hоkimligi

Xususan, ushbu sana munosabati bilan erta tongda Farg‘ona shahridagi “Vatanparvarlar bog‘i”da “Motamsaro ona” haykali poyiga tantanali gul qo‘yish marosimi bo‘lib o‘tdi. Tadbirda davlat va jamoat tashkilotlari vakillari, harbiy xizmatchilar, ommaviy axborot vositalari xodimlari hamda keng jamoatchilik ishtirok etdi.

Dastlab Sharqiy harbiy okrug qo‘shinlari, ichki ishlar, Milliy gvardiya va Favqulodda vaziyatlar boshqarmasi harbiy xizmatchilari saf tortdi. Harbiy orkestr sadolari ostida viloyat hokimi, harbiy-ma’muriy sektor rahbari Xayrullo Bozorov, Sharqiy harbiy okrug qo‘mondonligi, viloyat huquq-tartibot idoralari rahbarlari, shuningdek, davlat va jamoat tashkilotlari, nuroniylar hamda yoshlar tashkilotlari vakillari “Motamsaro ona” haykali poyiga gulchambarlar qo‘ydilar.

Marosimda yurtimiz tinchligi va sarhadlarimiz daxlsizligi yo‘lida jon fido qilgan qahramon o‘g‘lonlar xotirasiga yuksak ehtirom ko‘rsatildi.

Ayni paytda bayram tadbirlari viloyatning barcha shahar va tumanlarida, harbiy qismlar hamda ta’lim muassasalarida ko‘tarinki ruhda davom etmoqda.