Respublika tez tibbiy yordam markazi Farg‘ona viloyati filialida tez tibbiy yordam xodimlarini tayyorlash va qayta tayyorlash o‘quv-simulyatsiya markazi ochildi
2026-01-06 14:05:00 / Yangiliklar
So‘z olganlar tomonidan ushbu o‘quv-simulyatsiya markazi Respublika tez tibbiy yordam markazi va Koreya xalqaro sog‘liqni saqlash jamg‘armasi (KOFIH) hamkorligida amalga oshirilayotgan “O‘zbekistonda shifoxonagacha tez tibbiy yordam xizmat salohiyatini oshirish” bo‘yicha grant loyihasi doirasida tashkil etilgani ta’kidlandi.
Mazkur grant loyihasining asosiy maqsadi shifoxonagacha bo‘lgan bosqichda tibbiyot xodimlarining salohiyatini va malakasini oshirish orqali O‘zbekistonda tez tibbiy yordam sifatini yaxshilashdan iborat.
O‘quv-simulyatsiya markazi tez tibbiy yordam xodimlarini (shifokorlar, feldsherlar va haydovchilar) bazaviy va kengaytirilgan reanimatsiya, chaqaloqlar reanimatsiyasi, pediatriya amaliyotida bazaviy reanimatsiya, shifoxonagacha bo‘lgan jarohatlar, shoshilinch tug‘ruq va boshqalar bo‘yicha o‘qitish uchun zamonaviy simulyatorlar bilan jihozlangan.
Shuningdek, olis hududlarda tez tibbiy yordam xodimlarini o‘qitish uchun mobil uskunalar mavjud.
Koreya Respublikasida yangi tashkil etilgan o‘quv-simulyatsiya markazida o‘quv mashg‘ulotlarini olib borish uchun Farg‘ona filiali xodimlaridan ToT (Training of Trainers) yo‘nalishi bo‘yicha 4 nafar instruktor tayyorlandi.
Tadbir davomida so‘z olganlar shular xususida to‘xtalib, Koreya Respublikasi bilan hamkorlik jarayonlari, tibbiyotdagi islohotlar haqida ma’lumot berdilar.
Ramziy lenta qirqilib, tadbir ishtirokchilari markazdagi mavjud imkoniyatlar, shart-sharoitlar bilan yaqindan tanishdilar.