“Prezident archasi” bolajonlarga unutilmas zavq ulashdi
2025-12-25 14:55:00 / Yangiliklar
Har bir bayram bolalar bilan totli. Ularning xursandchiligi baxtimiz, ularning tabassumi quvonchimizdir. Yangi yil bayrami arafasida esa jajji bolajonlar ko‘ngliga quvonch ulashib, davlatimiz g‘amxo‘rligining ifodasi sifatida “Prezident sovg‘asi” tortiq qilinadi.
Tadbirda viloyatimizdagi oilaviy bolalar uylari tarbiyalanuvchilari, ota-ona qarovisiz qolgan o‘g‘il-qizlar hamda Vatanimiz tinchligi va xavfsizligi yo‘lida qurbon bo‘lgan harbiy xizmatchilarning farzandlari ishtirok etdi.
Viloyat hokimi Xayrullo Bozorov bolajonlarni kirib kelayotgan yangi yil bilan qutlab, ezgu tilaklarini bildirdi. Ularga Prezident sovg‘alari topshirildi.
Shundan so‘ng "Moʻjizaviy Yangi yil sayohati" deb nomlangan teatrlashtirilgan badiiy dastur namoyishi ishtirokchilarga yanada xushkayfiyat ulashdi.
Ma’lumot uchun: Farg‘ona viloyatidagi oilaviy bolalar uylari tarbiyalanuvchilari, Vatan sarhadlarini himoyalash yo‘lida jon fido qilgan o‘g‘lonlarimiz hamda boquvchisini yo‘qotgan oilalarning 913 nafar farzandiga Prezident sovg‘alari topshirilmoqda.