Viloyat axborot-kutubxona markazida “Oltin kuz tarovati” hamda “Biz korrupsiyaga qarshimiz” mavzusidagi videorolik va rasmlar tanlovi g‘oliblarini taqdirlash marosimi bo‘lib o‘tdi
2025-12-24 11:20:00 / Yangiliklar
Viloyat hokimi o‘rinbosari Sherzodjon Polvonov ijodkor va havaskorlar o‘rtasida tashkil etilgan tanlovda 100ga yaqin ishlar taqdim etilganini qayd etib, g‘oliblarni tabrikladi.
An’anaviy o‘tkazilayotgan “Oltin kuz tarovati” tanlovida mazkur faslning o‘ziga xos jihatlari videorolik va rasmlarda ifoda etilgan. Viloyat hokimligi, Boshqaruv samaradorligi agentligi Farg‘ona filiali hamkorligida o‘tkazilgan “Biz korrupsiyaga qarshimiz” tanlovida esa korrupsiyaga qarshi kurashish borasida o‘ziga xos kontentlar tayyorlandi.
Tanlov g‘oliblari tashkilotchilarning diplom va esdalik sovg‘alari bilan taqdirlandi.