Farg‘ona shahrida 15 ta yangi maxsus texnika xizmat ko‘rsatishni boshladi
2025-12-23 20:25:00 / Yangiliklar
Farg‘ona shahrida tozalik va obodonlashtirish ishlarini yanada samarali tashkil etish maqsadida “Qirguli kommunal servis” hamda “Maxsus garant avto servis” MCHJ tomonidan 15 ta maxsus chiqindi tashish texnikasi olib kelindi.
Mazkur texnikalarni topshirish marosimida viloyat hokimi Xayrullo Bozorov ishtirok etib, yangi maxsus avtomashinalar shahar hududlarini toza va orasta saqlash, kommunal xizmatlar samaradorligini oshirishda muhim ahamiyatga ega ekanini ta’kidladi.
Zamonaviy talablar asosida jihozlangan ushbu texnikalar maishiy chiqindilarni o‘z vaqtida yig‘ish va tashish, sanitariya holatini yaxshilash hamda aholiga ko‘rsatilayotgan kommunal xizmatlar sifatini oshirishga xizmat qiladi.