Viloyat hokimi Xayrullo Bozorov bugun Qo‘qon shahrida bo‘lib, avvalgi o‘rganishlari davomida berilgan topshiriqlar ijrosi bilan tanishdi
2025-11-29 16:20:00 / Yangiliklar
Massivda jami 84 ta ko‘p qavatli uy-joy binosi (6 338 xonadon) qurilishi rejalashtirilgan. Shuningdek, biznes markazi, umumta’lim maktabi, mehmonxona, savdo va ko‘ngilochar markaz, institut binosi, avtoturargoh va sayilgoh barpo etilishi ko‘zda tutilgan.
Qurilish jarayonlari ikki bosqichda amalga oshirilmoqda. Hozirda 1-bosqich doirasida qurilishi belgilangan 56 ta, umumiy 4 394 xonadonli uy-joylarda asosiy ishlar yakunlangan bo‘lib, ichki va tashqi pardozlash ishlari olib borilmoqda.
Viloyat hokimiga massivda barpo etilayotgan infratuzilma, aholi uchun yaratilayotgan qulay shart-sharoitlar, yashil bog‘lar, dam olish hududlari, bolalar maydonchalari va zamonaviy yo‘laklar bo‘yicha ma’lumot berildi. Mas’ullar va quruvchilar ishtirokida qurilish jarayoni muhokama qilindi.
Qurilish bilan bir vaqtda obodonlashtirish va ko‘kalamzorlashtirish ishlarini sifatli va belgilangan muddatlarda amalga oshirish zarurligi ta’kidlandi. Oldinda turgan vazifalar kelishib olindi.