O‘zbekiston Respublikasi Raqamli texnologiyalar vazirligi

1000 dan ortiq ishtirokchilar, yirik texnologik kompaniyalar, xalqaro ekspertlar va mutaxassislar bu yerda to‘planib, sun’iy intellekt, raqamli infratuzilma, bulutli texnologiyalar, yashil yechimlar kabi yo‘nalishlardagi yangiliklarni muhokama qilishdi.

Raqamli texnologiyalar vaziri Sherzod Shermatov tadbir ochilishida nutq so‘zlab, Huawei kabi global kompaniyalar bilan hamkorlikni mustahkamlash O‘zbekistonni IT habga aylantirish yo‘lidagi muhim omillardan biri ekanini ta’kidladi:

“Bu kabi nufuzli anjumanlarning Toshkentda o‘tkazilishi – xalqaro texnologik muhitda O‘zbekistonning tutgan o‘rni mustahkamlanayotganidan dalolat beradi,” – dedi vazir.

Huawei’ning Yaqin Sharq va Markaziy Osiyo bo‘yicha prezidenti Filipp Gan esa “All Intelligence” davrida kompaniyaning strategik ustuvorliklari haqida so‘z yuritib, mintaqada raqamli transformatsiyani jadallashtirishga sodiqligini yana bir bor bildirdi.

Tadbir davomida 50 dan ortiq texnologik stendlar ishtirokchilarga Huawei’ning ilg‘or yechimlari bilan yaqindan tanishish imkonini berdi. Shuningdek, hamkorlar bilan o‘tkazilgan maxsus “Partner Summit” sessiyasi yangi loyihalarning bosqichiga yo‘l ochdi.

Huawei Tech Carnival 2025 — bu nafaqat yangi texnologiyalar namoyishi, balki butun Markaziy Osiyo uchun muhim strategik fikr almashuv maydoniga aylandi.

Huawei ME&CA Tech Carnival & Partner Summit 2025 tadbirlari 20-may kun ham davom etadi.