“O‘zbekiston pochtasi”AJning Xorazm filiali faoliyatini yanada kengaytirish va aholiga sifatli xizmat ko‘rsatish bo‘yicha kompleks topshiriqlar berildi
2025-05-02 17:00:00 / Vazirlik yangiliklari
Bino kapital ta’mirdan chiqarilib, Uzpost brendi asosida zamonaviy ko‘rinishga keltirilgan. Shuningdek, binoda foydalanuvchilarga sifatli xizmat ko‘rsatish maqsadida zamonaviy mebel jihozlari va kompyuter texnikalari bilan taminlangan.
Bugungi kunda mijozlarga pochta aloqasi xizmatlari bilan bir qatorda davlat xizmatlari, bank va har-xil turdagi to‘lovlarni qabul qilish xizmatlari joriy qilingan. Shu bilan birga, Uzum va Ozon multibrendlari mahsulotlarini yetkazib berish yo‘lga qo‘yilgan.
Vazir Sh.Shermatov tashrif doirasida filialda tashkil qilinadigan elektron tijoratga xizmat ko‘rsatish markazi va logistika markazi bilan tanishib, yirik marketpleyslar va mahalliy ishlab chiqaruvchilarning respublika bo‘ylab internet-savdo maydonchalari egalariga o‘z mahsulotlarini saqlash hamda xarid qilingan mahsulotlarni qadoqlab, mijozlarga yetkazib beradigan infratuzilma shakllantirish va elektron tijoratga jalb qilish bo‘yicha topshiriqlar berdi.