TATUda frilanserlik va IT sohasidagi imkoniyatlar mavzusida forum tashkil etildi
2023-12-15 22:10:00 / Vazirlik yangiliklari
Bugun, 15-dekabr kuni Toshkent shahridagi Toshkent axborot texnologiyalar universitetida Raqamli texnologiyalar vazirligi hamda Raqamli iqtisodiyot va tadiqotlar markazi bilan hamkorlikda forum tashkil etildi.
Forum tashkil etishdan asosiy maqsad – talaba yoshlarni IT sohasidagi imkoniyatdan xabardor qilish, frilanserlik sohasiga qadam qo’yish va unda daromad topish yo‘llarini o‘rgatishdan iborat.
Tadbir davomida "Bir million o‘zbek dasturchilari" loyihasining mantiqiy davomi "Coursera" loyihasining afzalliklari, Xalqaro IT sertifikatlar haqida ma’lumot, frilanserlikning afzalliklari, Up Work olamiga sayohat (platformada ishlash asoslari), “Soft skills”- raqamli olamdagi muvaffaqiyat kaliti kabi mavzularda ko‘p yillik tajribaga ega mutaxassislar tomonidan ma’lumotlar berildi.
Forum so’ngida omadli ishtirokchilarga esdalik sovg‘alari topshirildi.