Startap ekotizimining asosiy ishtirokchilari 2025-yilgi rejalarni muhokama qildilar
2025-03-26 11:40:00 / Vazirlik yangiliklari
Tadbirda “IT Park Ventures”, “AloqaVentures”, “United Ventures”, “Sturgeon Capital”, “UzCard Ventures”, “U-Enter”, “C-space”, “Startup Garage” inkubatorlari vakillari, shuningdek, Umid Rahimov, Artyom Panferov (AI Lab), “Startup Weekend” va boshqa muhim ishtirokchilar qatnashdilar.
Uchrashuvni ochib bergan IT Park Uzbekistan bosh direktori Abdulahad Kuchkarov venchur fondlarini rivojlantirish va startaplarni qo‘llab-quvvatlashning ahamiyatini ta’kidladi.
“IT Park Uzbekistan doimo mamlakat startap ekotizimini rivojlantirishga ko‘maklashishga tayyor. Hamkorlar bilan birgalikda mahalliy va xorijiy startaplar uchun O‘zbekistonda o‘z loyihalarini kengaytirish imkoniyatlarini yaratmoqdamiz,” — dedi u. Shuningdek, Toshkentdan tashqarida startap hamjamiyatlarini rivojlantirish maqsadida hududlardagi ishlar kuchaytirilishi e’lon qilindi.
Artem Panferov (AI Lab asoschisi) IT Park Uzbekistan bilan hamkorlikda ikkita hakaton va bitta inkubatsiya dasturini o‘tkazish rejalarini ma’lum qildi. Bu dasturchilar va investorlar o‘rtasidagi hamkorlikni mustahkamlaydi.
Suhrob G‘aybulloyev (AloqaVentures boshqaruvchi hamkori) jamg‘armaning muhim tashabbuslarini aytib o‘tdi:
- g‘oya bosqichidagi startaplar uchun 20 ming dollar miqdorida investitsiyalarni ko‘rib chiqish;
- yangi strategiyalar bo‘yicha “AloqaVentures” startaplarga 1 million dollargacha mablag‘ kiritishni rejalashtirmoqda.
Ishtirokchilar 2025-yilga mo‘ljallangan qo‘shma tashabbuslarni, jumladan ta’lim dasturlari, akseleratsiya va xalqaro startaplarni jalb qilishni muhokama qildilar.
Uchrashuv ekotizimning asosiy ishtirokchilari O‘zbekistonda startap muhitini faol rivojlantirishga tayyor ekanligini tasdiqladi. Yangi investitsiyalar, ta’lim dasturlari va mintaqaviy tashabbuslar bilan 2025-yil mamlakatda innovatsion loyihalarning o‘sishi uchun muhim bosqich bo‘lishi kutilmoqda. IT Park Uzbekistan investorlar, mentorlar va tadbirkorlarning sa’y-harakatlarini birlashtiruvchi asosiy platforma sifatida faoliyatini davom ettirmoqda.