“Sun’iy intellektning ish samaradorligini oshirishdagi roli” va xotin-qizlarning IT sohasidagi imkoniyatlari muhokama qilindi
2025-02-06 22:30:00 / Vazirlik yangiliklari
Bugun Raqamli texnologiyalar vazirligida ayollarni IT sohasiga jalb qilish, ularning bilim va dunyoqarashini kengaytirish, qiziqish va layoqatiga mos ravishda yo'nalish tanlashda yordam berish maqsadida “GAP” Ayollar IT-klubining navbatdagi uchrashuvi tashkil etildi. Uchrashuvning asosiy mavzusi “Sun'iy intellektning ish samaradorligini oshirishdagi roli” bo'ldi.
Tadbirida quyidagi spikerlar ishtirok etdi:
Jamila Berdiyeva - Sun’iy intellekt texnologiyalarini rivojlantirish departamenti bosh mutaxassisi
Yelena Salmina - Sun’iy intellekt texnologiyalarini rivojlantirish departamenti bosh mutaxassisi
Shaxnoza Elchiyeva - Sun’iy intellekt texnologiyalarini rivojlantirish departamenti yetakchi mutaxassisi
Dildora Tursunova - UZINFOCOM kompaniyasi strategik direktori
Gulnora Bogdalova - British Management Universiteti psixologi
Unda mutaxassislar sun’iy intellektning asosiy tamoyillari, uning turli sohalardagi amaliy qo‘llanilishi hamda kelajakdagi rivojlanish yo‘nalishlari haqida tushunarli va qiziqarli tarzda ma’lumot berishdi. Ishtirokchilar sun’iy intellekt texnologiyalarining ish samaradorligini oshirishdagi o‘rni va imkoniyatlari bilan yaqindan tanishish imkoniga ega bo‘lishdi.
Tadbir ishtirokchilari jamiyatda xotin-qizlarning roli, ularning bilimini oshirish va bandligini ta’minlash masalalari yuzasidan fikr almashishdi.
Shuningdek, IT sohasida o‘z yo‘nalishini tanlash va texnologik imkoniyatlardan to‘laqonli foydalanish borasida muhim tavsiyalar berildi.
Tadbir doirasida xotin-qizlar uchun maxsus psixolog bilan uchrashuv ham tashkil etildi. Ushbu sessiyada ichki ishonchni mustahkamlash, muammolarni yengish va o‘zini erkin his qilish bo‘yicha muhim maslahatlar berildi.
Tadbir ishtirokchilar uchun motivatsiya va yangi bilim olish maydoniga aylandi. Bu kabi loyihalar xotin-qizlarning IT sohasida o‘z o‘rnini topishi va jamiyat rivojiga munosib hissa qo‘shishiga xizmat qilishi – shubhasiz.
Quyidagi saytlar orqali sun‘iy intellekt bilan ishlash bo‘yicha foydali ma’lumotlar va qulay vositalarga ega bo‘lishingiz mumkin:
🔹 ChatGPT – matn yaratish, tarjima va muloqot uchun AI yordamchi
🔹 Perplexity.ai – AI asosida aniq va to‘g‘ridan-to‘g‘ri javob beruvchi qidiruv tizimi
🔹 Claude – matn tahlili va hujjatlar bilan ishlash uchun aqlli vosita
🔹 Midjourney – sun’iy intellekt yordamida tasvirlar yaratish
🔹 Runway – video muharriri va AI asosida kreativ asboblar
🔹 ElevenLabs – sun’iy intellekt yordamida ovoz yaratish va qayta ishlash
Sun’iy intellekt yordamida ish samaradorligingizni yangi bosqichga olib chiqing!
“GAP” Ayollar IT-klubi tadbirlari nafaqat Toshkentda, balki boshqa viloyatlarda ham muntazam ravishda tashkil etilmoqda.