Xalqaro elektraloqa ittifoqi bilan hamkorlikda O‘zbekistonda VoLTE/ViLTE xizmatlarini joriy qilish bo‘yicha seminar tashkil qilindi
2023-10-24 19:55:00 / Vazirlik yangiliklari
Joriy yil 24-oktabr kuni “ICTWEEK Uzbekistan – 2023” haftaligi doirasida Xalqaro elektraloqa ittifoqi (ITU) bilan hamkorlikda O‘zbekistonda VoLTE/ViLTE xizmatlarini joriy qilish, rivojlantirish unda interkonnektni amalga oshirish mavzusida soha vakillari, mobil aloqa operatorlari va xalqaro mutaxassislar ishtirokida seminar tashkil etildi.
Xalqaro Elektr Aloqa Ittifoqining yetakchi ekspertlari tomonidan taqdimot namoyish etilib, taqdimotda operatorlar o‘rtasida VoLTE interkonnektni amalga oshirish yechimlari, hal qilinishi kerak bo‘lgan masalalar va bu borada turli davlatlarning tajribalari haqida so‘z bordi.
Mavzu doirasida qizg‘in muhokamalar bo‘lib o‘tdi hamda ishtirokchilar telekommunikatsiya tarmoqlarini rivojlantirish istiqbollari bo‘yicha o‘zlarining qiziqtirgan savollariga javoblar oldilar.