Dunyoning yetakchi Oksford universiteti bitiruvchisi Qorako‘l tumanidagi Acharya universitetida IT-ta’limni rivojlantirish bo‘yicha faoliyatini boshladi
2024-10-18 10:05:00 / Vazirlik yangiliklari
Raqamli texnologiyalar vaziri o‘rinbosari Rustam Karimjonov Buxoro viloyatiga tashrifi doirasida Qorako‘l tumanida joylashgan Acharya universitetiga tashrif buyurdi.
Tashrif davomida ushbu universitetning salohiyatini yanada oshirish va kelajakda uni IT-ta'lim markazlaridan biriga aylantirish istiqbollari muhokama qilindi.
Shuningdek, tashrif doirasida ushbu universitetga ijrochi direktor lavozimiga tayinlangan Laziz Xo'jaqulov universitet jamoasiga tanishtirildi.
Ma’lumot uchun: Laziz Xo‘jaqulov Manchester Universiteti menejment fakultetining bakalavr, 2024-yilda Buyuk Britaniyaning Oksford universitida “Tashkiliy liderlik” yo‘nalishida magistr darajasini qo‘lga kiritgan.
Tashrif yakunida universitetning akademik va ilmiy salohiyatini oshirish, yoshlarni IT-ta'limga yanada kengroq jalb qilish bo'yicha kelgusidagi chora-tadbirlar belgilandi.