ICPC Uzbekistan Regional Contest 2026: 20 dan ortiq jamoa xalqaro bosqiçga yöllanma oldi
2026-11-09 19:30:00 / Vazirlik yangiliklari
Toşkentdagi School 21 maydonida ICPC Uzbekistan Regional Contest 2026 bölib ötdi. Saralaş bosqiçidan ötgan 79 ta talaba jamoasi beş soat davomida algoritmik masalalarni yeçiş böyiça bellaşdi. Tadbir Raqamli texnologiyalar vazirligi, IT Park Uzbekistan, IT Park University (ITPU) va School 21 tomonidan taşkil etildi.
Birinçi örinniTashkent UIT: Attack on Contest: THE LAST ATTACK, ikkinçi örinni Tashkent branch of MSU: One Last Plov, uçinçi örinni esa New Uzbekistan University: Three Dinosaurs jamoalari egalladi. Eng yaxshi töqqizta jamoa sovrinlar bilan taqdirlandi. Şuningdek, Uzum maxsus nominatsiyalar ğoliblarini, Yandex esa murabbiylar va faol taşkilotçilarni taqdirladi.
Musobaqa yakunlariga köra, 20 dan ortiq jamoa Qozoğistonda ötkaziladigan Şimoliy Yevrosiyo bosqiçida iştirok etiş huquqini qölga kiritdi. U yerda ular mintaqaning eng kuçli talaba jamoalari bilan bellaşadi.
Taqdirlaş marosimida IT Park Uzbekistan boş direktorining maslahatçisi, ICPC Uzbekistan hududiy direktori Abdulahad Kuçkarov hamda Raqamli texnologiyalar vazirligi vakili Bahodir Ahmedov iştirok etdi.
Jami töqqizta eng yaxşi jamoa sovrinlar bilan taqdirlandi. Birinçi örinni egallagan jamoa iştirokçilariga MacBook Pro, ikkinçi örin sohiblariga iPad Pro, uçinçi örin egalariga iPad Air, törtinçidan töqqizinçi öringaça bölgan jamoalar iştirokçilariga esa Fitbit qurilmalari topşirildi.
Şuningdek, Yandex sport dasturlaşni rivojlantirişga qöşgan hissasi uçun murabbiylarni hamda öquv-maşğulot yiğinlari va musobaqalarni muntazam taşkil etişga kömaklaşib kelayotgan faollarni Yandex Drops quloqçinlari bilan taqdirladi.
Musobaqa doirasida Uzum tomonidan ta’sis etilgan maxsus nominatsiyalarda iştirokçilarning alohida yutuqlari e’tirof etildi. Kompaniya ğoliblarni tanlaş mezonlarini mustaqil belgilab, masalalardan birini birinçilardan bölib muvaffaqiyatli yeçgan jamoalardan biri — Webster University in Tashkent: Falcons, yeçimlarni tekşiriş uçun eng köp marta yuborgan Cyber University: Cyber hamda musobaqaning sönggi daqiqasida oxirgi muvaffaqiyatli yeçimni yuborgan New Uzbekistan University: Asteroids jamoalarini taqdirladi. Ularga Uzum tomonidan 5 million sömlik vauçerlar taqdim etildi.
International Collegiate Programming Contest (ICPC) — talabalar örtasida sport dasturlaş böyiça ötkaziladigan dunyoning eng nufuzli xalqaro musobaqalaridan biri. Unda yoş dasturçilar murakkab algoritmik masalalarni yeçiş, ma’lumotlar bilan işlaş va samarali yeçimlar işlab çiqiş böyiça bilim va könikmalarini namoyiş etadi. Muvaffaqiyat qozoniş uçun dasturlaş tillari va algoritmlarni puxta biliş yetarli emas: iştirokçilardan jamoada samarali işlaş, vazifalarni töğri taqsimlaş hamda çeklangan vaqt içida eng maqbul yeçimlarni topiş talab etiladi.