Yangi tashkil etilayotgan IT akademiyada amalga oshirilayotgan ishlar bilan tanishildi
2023-08-27 11:10:00 / Vazirlik yangiliklari
Raqamlashtirish vaziri O‘zbekiston Respublikasi Prezidentining 2022-yil 22-avgustdagi PQ-357-sonli qaroriga muvofiq “SAMMIT GLOBAL INC” MCHJ tomonidan Samarqand tumanida Ayti akademiya tashkil etish bo‘yicha amalga oshirilayotgan ishlar bilan tanishdi.
Tashrif davomida yangi qurilayotgan Ayti akademiyaning imkoniyatlari, qurilish jarayonining holati va kelgusidagi istiqbolli rejalar haqida fikr va mulohazalar almashildi.
Ma’lumot uchun, “SAMMIT GLOBAL INC” MCHJ tomonidan o‘ziga tegishli bo‘lgan 1,8 Ga yer maydonidan joy ajratilib, qurilish ishlari amalga oshirilmoqda. Bunda Ayti akademiya uchun 2000 kv.m. maydon ajratilishi ko‘zda tutilgan.
Ayti akademiyani tashkil etish uchun “Ayti bilimlarni rivojlantirish markazi” MCHJ tomonidan “SAMMIT GLOBAL INC” MCHJga 11 mlrd.so‘m maqsadli qarz ajratilgan.
Ayti akademiya tashkil etilishi natijasida 100 ga yaqin ish o‘rinlari tashkil etiladi va malakali Ayti mutaxassislar yetishib chiqishi ta’minlanadi.