ICT WEEK: O‘zbekiston va Yaponiya o‘rtasida texnologik hamkorlik yangi bosqichga olib chiqiladi
2026-09-23 12:45:00 / Vazirlik yangiliklari
Forumda Raqamli texnologiyalar vaziri o‘rinbosari Rustam Karimjonov ishtirok etdi. U O‘zbekiston va Yaponiya o‘rtasidagi texnologik hamkorlikni mustahkamlash hamda ikki mamlakat innovatsion ekotizimlari o‘rtasida amaliy aloqalarni rivojlantirish muhimligini ta’kidladi.
Forumda ikki tomonlama hamkorlik natijalari, raqamli hamjamiyatni rivojlantirish, innovatsion loyihalarni qo‘llab-quvvatlash va texnologik kompaniyalarning yangi bozorlarga chiqish imkoniyatlari muhokama qilindi.
Tadbirda Yaponiyaning O‘zbekistondagi elchisi Kenji Hirata, Yaponiya Ichki ishlar va kommunikatsiyalar vazirligi vitse-vaziri Hideo Fuseda, JETRO Toshkent ofisi direktori Yuta Ichinose, Headline Asia VC hamkori Kazuhiro Oyoshi hamda 01Booster Inc. ijrochi direktori Kavashima Takeru ishtirok etdi.
Yaponiya bilan texnologiyalar sohasidagi hamkorlik kengayib bormoqda. Forum tashkilotchilari taqdim etgan ma’lumotlarga ko‘ra, qariyb ikki yil ichida IT Park rezidenti maqomiga ega Yaponiya kompaniyalari soni 2 tadan 25 taga yetdi. 2025-yil fevral holatiga IT Park ekotizimida Yaponiya kapitali ishtirokidagi 10 ta rezident kompaniya faoliyat yuritgan va ulardan uchtasi AT-xizmatlarini eksport qilgan.
Muhokamalarda ikki tomonlama hamkorlikni aniq texnologik loyihalar, investitsiyaviy aloqalar va kompaniyalarning xalqaro bozorlarga chiqishi orqali amaliy natijalarga aylantirishga alohida e’tibor qaratildi.
Forum doirasida, shuningdek, ikki tomonlama yangi kelishuv va hamkorliklarlar imzolandi.
“Uzbek–Japan Digital Community Forum” davlat idoralari, investorlar va texnologik kompaniyalar o‘rtasidagi to‘g‘ridan to‘g‘ri aloqalarni mustahkamlash, Yaponiya kompaniyalari uchun O‘zbekistondagi hamda O‘zbekiston texnologik kompaniyalari uchun Yaponiya bozoridagi yangi imkoniyatlarni aniqlashga xizmat qildi.