“Sun’iy intellekt sohasidagi etika va tartibga solish masalalari” mavzusidagi anjumani sun’iy intellektni amaliyotga joriy etishdagi tajriba va ushbu sohadagi istiqbolli loyihalari haqida fikrlar tinglandi
2023-07-08 10:30:00 / Vazirlik yangiliklari
Ushbu tadbirda xorijlik hamkor tashkilotlardan Koreaning “Korea Industry Intelligentization Association” hamda “Chungbuk National University”, Xitoyning “NUWA Robotics”, Hindistonning “Bikal Technologies” va “Amity” universiteti, shuningdek, VEON Group” kompaniyasidan soha mutaxassislari va talaba-yoshlar hamda OAV xodimlari faol ishtirok etdi.
Mazkur anjumanni tashkil qilishdan maqsad – bugungi kunda mamlakatimizda turli soha tarmoqlarini rivojlantirishda sun’iy intellekt texnologiyalarini joriy etish orqali texnologik rivojlantirishni yangi bosqichga ko‘tarish. Shuningdek, ushbu tizimni joriy etishda uning ijobiy va salbiy oqibatlarini tahlil qilish va etika qoidalarini ishlab chiqishga doir taklif va tavsiyalarni amaliyotga tatbiq etishdan iborat.
Anjuman doirasida so‘zga chiqqan ma’ruzachilar xorij davlatlarida raqamli texnologiyalar va sun’iy intellektni amaliyotga joriy etishdagi tajribasi va ushbu sohadagi istiqbolli loyihalari haqida nutq so‘zladi. Shu jumladan, sun’iy intellektni eng ko‘p etika qoidalari buzilishi mumkin bo‘lgan soha tarmoqlari haqida alohida fikr va mulohazalar bildirdi.
Tadbir yakunida ishtirokchilar bilan o‘zaro savol-javob tashkil qilinib, bugungi kunda mamlakatimizda turli soha tarmoqlarini raqamlashtirish hamda sun’iy intellekt texnologiyalarini joriy etishda etika qoidalariga doir taklif va tavsiyalar umumlashtirildi.