O‘zbekiston Respublikasi Raqamli texnologiyalar vazirligi

Tanlov O‘zbekiston Respublikasi Vazirlar Mahkamasining 2019-yil 3-dekabrdagi 965-son qarori hamda amaldagi qonunchilik hujjatlariga muvofiq tashkil etiladi.

Tanlovning asosiy maqsadi — IT-Park hududida zamonaviy, innovatsion va yuqori samarali infratuzilma obyektlarini barpo etish, axborot texnologiyalari sohasini rivojlantirish, yangi ish o‘rinlari yaratish hamda investitsiyalarni jalb qilishdan iborat.

Tanlov ishtirokchilari

Tanlovda development, muhandislik, axborot-kommunikatsiya texnologiyalari infratuzilmasini yaratish va investitsiya loyihalarini amalga oshirish istagida bo‘lgan mahalliy va xorijiy yuridik shaxslar ishtirok etishi mumkin.

Ishtirokchilarga qo‘yiladigan talablar

Tanlov ishtirokchisi:

• O‘zbekiston Respublikasi qonunchiligi talablariga muvofiq faoliyat yuritayotgan yuridik shaxs bo‘lishi;
• investitsiya bitimini tuzish va bajarish huquqiga ega bo‘lishi;
• loyihani amalga oshirish uchun yetarli moliyaviy, texnik va tashkiliy resurslarga ega bo‘lishi;
• bankrotlik yoki tugatilish jarayonida bo‘lmasligi;
• davlat budjeti va maqsadli jamg‘armalar oldida muddati o‘tgan qarzdorlikka ega bo‘lmasligi;
• korrupsiya va manfaatlar to‘qnashuviga oid cheklovlarga tushmasligi lozim.

Tanlov taklifi tarkibi

Tanlov ishtirokchilari quyidagi hujjatlarni taqdim etadilar:

1. Mazkur Tanlov hujjatlari talablariga muvofiq tuzilgan hujjatlar ro‘yxati;
2. Mazkur Tanlov hujjatlari talablariga muvofiq rasmiylashtirilgan tanlovda ishtirok etish uchun ariza;
3. Tanlov ishtirokchisining anketasi;
4. Tanlov taklifi;
5. Tanlov ishtirokchisining mazkur Tanlov hujjatlari talablariga muvofiqligini tasdiqlovchi hujjatlar;
6. Kafolat to‘lovi (avans to‘lovi) kiritilganligini tasdiqlovchi to‘lov hujjatining nusxasi;
7. Tanlov ishtirokchisiga nisbatan bankrotlik to‘g‘risidagi ish qo‘zg‘atilmaganligi hamda u tugatish yoki qayta tashkil etish jarayonida emasligini tasdiqlovchi ma’lumotnoma (yoki kafolat xati);
8. Soliqlar va budjetga boshqa majburiy to‘lovlar bo‘yicha muddati o‘tgan qarzdorlik mavjud emasligi to‘g‘risidagi ma’lumotnoma.

Yuqorida ko‘rsatilgan barcha hujjatlar tanlov ishtirokchisi tomonidan Ariza tarkibida taqdim etilishi shart.

Hujjatlarni taqdim etish tartibi

Tanlov takliflari bir nusxada, muhrlangan konvertda taqdim etiladi.

Konvertda quyidagi ma’lumotlar ko‘rsatilishi lozim:

• ishtirokchi nomi;
• loyiha nomi;
• aloqa ma’lumotlari;
• “Investorlarni saralash bo‘yicha tanlov uchun” degan yozuv.

Tanlov hujjatlarini qabul qilish manzili

O‘zbekiston Respublikasi, Toshkent shahri, Mirzo Ulug‘bek tumani, Tepamasjid ko‘chasi, 4-uy.

Hujjatlar ish kunlari soat 10:00 dan 17:00 gacha qabul qilinadi.

Qo‘shimcha ma’lumotlar uchun

Telefon: +998 71 209 11 99 (ichki raqam: 1046)

Elektron pochta: info@it-park.uz

Muhim eslatma

“IT-Park” direksiyasi taqdim etilgan takliflarni baholash natijalariga ko‘ra qo‘shimcha muzokaralar o‘tkazish, ishtirokchilardan qo‘shimcha ma’lumot va hujjatlar talab qilish hamda tanlov natijalari bo‘yicha Ma’muriy kengash tomonidan qaror qabul qilish huquqini o‘zida saqlab qoladi.