O‘zbekiston Respublikasi Raqamli texnologiyalar vazirligi

Uchrashuv davomida telekommunikatsiya infratuzilmasini rivojlantirish, 5G texnologiyalarini keng joriy etish, raqamli xizmatlar va sun’iy intellekt asosidagi zamonaviy telekom yechimlari bo‘yicha hamkorlik istiqbollari muhokama qilindi.

Tomonlar telekom tarmoqlarini avtomatlashtirish, sun’iy intellekt yordamida tarmoq boshqaruvi samaradorligini oshirish, firibgarliklarning oldini olish hamda raqamli infratuzilmani modernizatsiya qilish masalalari yuzasidan fikr almashdilar.

Shuningdek, O‘zbekistondagi IT mutaxassislari salohiyatidan foydalangan holda mintaqaviy telekommunikatsiya va raqamli texnologiyalar markazini rivojlantirish imkoniyatlari ko‘rib chiqildi.

Muzokaralar davomida sanoat IoT yechimlari, smart infratuzilma, ma’lumotlar markazlari va logistika sohalarida raqamli texnologiyalarni joriy etish, shuningdek,

Markaziy Osiyoda optik tolali va 5G infratuzilmasini kengaytirish istiqbollari muhokama qilindi. Uchrashuv yakunida tomonlar telekommunikatsiya, raqamli infratuzilma va sun’iy intellekt texnologiyalari yo‘nalishlarida hamkorlikni rivojlantirish, tajriba almashish hamda qo‘shma tashabbuslarni amalga oshirishdan manfaatdor ekanliklarini bildirdilar.