O‘zbekiston va RIPE NCC Internet texnologiyalarini yanada rivojlantirish hamda texnik salohiyatni mustahkamlash bo‘yicha hamkorlikni kengaytirmoqda
2026-05-21 15:30:00 / Vazirlik yangiliklari
Dastlab uchrashuvda IPv6 texnologiyalaridan foydalanishni kengaytirish, tarmoq xavfsizligi va Internetning barqarorligini mustahkamlash, texnik salohiyatni yuksaltirish hamda mintaqaviy va global Internet hamjamiyati bilan hamkorlikni mustahkamlash masalalariga alohida e’tibor qaratildi.
Tomonlar O‘zbekiston va RIPE NCC o‘rtasidagi o‘zaro anglashuv memorandumi doirasidagi hamkorlikni ko‘rib chiqdilar va “O‘zbektelekom” AK bilan IPv6 dan foydalanishni kengaytirish va tegishli texnik tadbirlar bo‘yicha davom etayotgan hamkorlikni olqishladilar.
Qayd etilganidek, O‘zbekiston o‘z tarmoqlarini kelajakdagi raqamli xizmatlarga va internetga bo’lgan talabning oshishiga tayyorgarlikka qaratilgan sa’y-harakatlari tufayli IPv6 texnologiyasini joriy etish bo‘yicha Markaziy Osiyodagi yetakchi davlatlardan biriga aylandi. Shuningdek, tomonlar texnik muloqotni, salohiyatni oshirishni hamda internet sohasidagi asosiy manfaatdor tomonlar bilan hamkorlikni qo‘llab-quvvatlashda Anglashuv memorandumi doirasidagi yaqin hamkorlikning rolini yuqori baholadilar.
RIPE NCC tarmoqlarning, jumladan, davlat raqamli xizmatlari va muhim infratuzilmani qo‘llab-quvvatlovchi tarmoqlarning barqarorligini mustahkamlashda IPv6 texnologiya, tarmoq xavfsizligi, Internet o‘lchovlari hamda ilg‘or amaliyotlarning muhim ahamiyatga ega ekanini alohida ta’kidladi.
Shuningdek, RIPE NCC O‘zbekistondagi internet mutaxassislari uchun o‘quv dasturlari, texnik seminarlar va xalqaro sertifikatlash imkoniyatlari mavjudligini aytib o‘tdi.
Tomonlar RIPE NCC vakolati doirasidagi sohalarda, jumladan, Internet barqarorligi, IPv6 texnologiyasidan foydalanishni kengaytirish, tarmoq xavfsizligi, salohiyatni oshirish va Internetni rivojlantirish bo‘yicha hamkorlikni yanada kengaytirishga tayyor ekanliklarini bildirdilar.