Farg‘ona viloyatida xotin-qizlar uchun raqamli savodxonligini oshirish bo‘yicha o‘quv seminarlari tashkil etiladi
2026-04-15 11:50:00 / Vazirlik yangiliklari
Raqamli ta’limni rivojlantirish markazi hamda Uzum kompaniyasi hamkorligida Farg‘ona viloyatida xotin-qizlarning raqamli savodxonligini oshirish va iqtisodiy imkoniyatlarini kengaytirishga qaratilgan yangi tashabbus amalga oshirilmoqda.
Mazkur tashabbus doirasida “IT-shaharcha” loyihasi asosida elektron tijorat yo‘nalishida o‘quv seminarlari turkumi tashkil etiladi.
Dastur chekka hududlarda istiqomat qiluvchi xotin-qizlar uchun elektron tijorat sohasida yangi imkoniyatlar eshigini ochadi. Xususan, ishtirokchilar elektron tijorat yo‘nalishida tadbirkorlik faoliyatini boshlash bo‘yicha amaliy ko‘nikmalarga ega bo‘ladilar.
Tadbir 21–22 va 28–29-aprel kunlari Farg‘ona viloyati, Toshloq tumani, Yangi yo‘l MFY, Alisher Navoiy ko‘chasi, 18-uy (“IT-shaharcha”) da bo'lib o'tadi.
Shoshiling! Ishtirokchilar soni cheklangan.