Toshkent shahridagi INHA universiteti “AI Alliance”ning birinchi rasmiy a’zosi bo‘ldi
2026-01-08 12:05:00 / Vazirlik yangiliklari
Mazkur a’zolik universitetga alyansning xalqaro tashabbuslari, dasturlari va loyihalarida ishtirok etish, shuningdek, sun’iy intellekt texnologiyalarini rivojlantirish, joriy etish va mas’uliyat bilan qo‘llash jarayonlariga yetakchi sifatida hissa qo‘shish imkonini beradi.
Alyans uchun hamkorlik muhim imkoniyatlar yaratadi: INHA universiteti resurslari va global standartlardan foydalanish, professorlar va tadqiqotchilar bilan ilmiy ishlarda hamkorlik qilish hamda ilg‘or tajribalarni sinash va rivojlantirish imkoniyatini beradi.
Ushbu muhim qadam INHA universitetining innovatsiyalar, raqamli texnologiyalar va global standartlarga sodiqligini yana bir bor tasdiqlaydi hamda sun’iy intellekt sohasida yangi imkoniyatlar uchun mustahkam asos yaratadi.
Agar siz ham “AI Alliance” a’zoligiga qo‘shilish va sun’iy intellekt sohasida hamkorlik imkoniyatlaridan foydalanishni istasangiz, batafsil ma’lumot olish uchun +998933853609 telefon raqami orqali murojaat qilishingiz mumkin.