O‘zbekiston buyuk allomalar yurti, biz esa ulug‘ ajdodlarimizga munosib avlod bo‘lishga intilmoqdamiz
2026-01-02 14:55:00 / Vazirlik yangiliklari
Prezidentimiz siyosati yoshlarga keng imkoniyatlar yaratmoqda.
Farzandlarimizga bog‘chadan oliy ta’limgacha zarur ko‘nikmalar uchun barcha sharoitlar yaratildi.
IT ta’lim beruvchi universitetlar soni 146 taga yetdi, ularda 120 000 yosh ta’lim olmoqda, xususiy markazlar esa 400 dan oshdi.
Zulfiya mukofotiga IT yo‘nalishi kiritilishi sohaga qiziquvchi xotin-qizlar sonini oshirdi va O‘zbekiston IT mutaxassislar soni 150 mingdan oshgan mamlakatga aylandi.
Iste’dodlar reytingida Markaziy va Janubiy Osiyoda yetakchi bo‘lgan O‘zbekistonda, 2017-yilda atiga 4 ta chet el IT kompaniyasi faoliyat yuritgan bo‘lsa, hozirda oyiga 70 ta yangi kompaniya qo‘shilmoqda, eksport esa 1 kunda 600 ming dollardan oshdi.
Yaratilgan shart-sharoitlar nafaqat iste’dodlarimizning chetga ketishini to‘xtatmoqda, balki xorijga ketgan vatandoshlarimiz O‘zbekistonga qayib startaplarini amalga oshirmoqda.
Ilk marotaba startaplar uchun 1 million dollar sovrinli “President Tech Award” e’lon qilindi, O‘zbek startaplari esa xalqaro maydonga chiqib, mintaqada eng tez o‘sayotgan ekotizim sifatida tan olindi.
Raqamlashtirish va Sun’iy intellekt orqali aholi hayotini yengillashtirish maqsadida 800 xizmat onlayn, 150 dan ortiq qog‘oz hujjat bekor qilindi.
Onlayn xizmatlardan foydalanish 80 foizdan oshdi va Elektron hukumat reytingida 24 pog‘ona ko‘tarildi.
Mamlakatimiz jahon maydonida xalqaro tadbirlar uchun jozibador markazga aylanmoqda.
O‘zbekiston IT-HUB sifatida dunyoga namoyon bo‘lib, AI-HUB yo‘nalishida ham 200 million dollar ajratilgan 100 ta loyiha bilan rivojlanmoqda.
Mintaqada sun’iy intellekt tayyorgarlik indeksida yetakchi bo‘lib, 1 million dollar sovrinli “AI Tech Award” tanlovi e’lon qilindi.
Saudiyaning “Data Volt” kompaniyasi bilan 3 mlrd dollarlik Markaziy Osiyodagi ilk yashil data-markaz qurilishi boshlandi.
Qoraqalpog‘istonda eng jozibador sharoitlar yaratilib, elektr energiyasi narxi 5 sent etib belgilandi.
Keling, O‘zbekistonni yetakchi Sun’iy intellekt xabiga aylantirishda kuchlarimizni birlashtiraylik.
Siz ham sun’iy intellektni o‘rganing. Endi buni “5 million sun'iy intellekt yetakchilari” aileaders.uz yangi ta’lim platformasi orqali oson va qulay tarzda boshlashingiz mumkin, rivojlaning va zamonaviy texnologiyalar dunyosida o‘zingizga yangi yo‘l oching!