Kichiklarni yutib yuborayotgan katta kompaniyalar, yoshlarga kiritilayotgan sarmoya — Xalqaro investitsiya forumida kelajakka investitsiya kiritish muhokama qilindi
2024-05-02 15:10:00 / Yangiliklar
Muhokamalar jarayonida quyidagi spikerler ishtirok etdi:
Timoti Yun, Socratics AI and TRACE Capital Holdings Bosh direktori
Vang Shunli, Huawei vitse-prezident
Kiyan Zandiye, SturgeonCapital bosh direktor va axborot texnologiyalari direktori
Rajit Nanda, DataVolt bosh direktori
Boris Tadich, Serbiyaning sobiq Prezidenti
Kiyan Zandiyening aytishicha, 2020-2022-yillar oralig‘ida Markaziy Osiyoda moliyaviy bozor o‘sishni boshlagan.
“Shu muddat oralig‘ida aktivlar likivdligi barqarorlashdi. Lekin pandemiya davrida investitsiya kiritish pasayib ketdi. Biz bunday vaziyatlarda ham qanday rivojlanish bo‘yicha o‘z dasturlarimizni ishlab chiqdik”, — dedi Kiyan Zandiye.
Moderator Timoti Yun Amazon va Google kabi kompaniyalar kichik kompaniyalarni “yutib yuborishni” boshlaganini ta’kidlab, mutaxassislardan bu bo‘yicha o‘z fikrlarini so‘radi.
Rajit Nanda o‘zining biznes kompaniyalari kichiklarini yutib yuborishiga emas, bakli yangi kompaniyalar yaratish ustida ish boshlaganini ta’kidlab o‘tdi.
“Biz avval boshdan ma’lumotlar ishlab chiquvchi sifatida sun’iy intellektga pul tika boshladik. Ma’lumotlarni yig‘ish, qayta ishlash va uni sun’iy intellektda qo‘llash keng qamrovli ishlarni talab qiladi”, — dedi Rajit Nanda.
Van Shunli Huawei strategiyasini shunday izohladi: "Biz tadqiqot va ishlanmalarga va raqamli bilimlarga sarmoya kiritamiz. Ilmiy-tadqiqot ishlariga investitsiyalar yillik daromadning 10% dan ortig‘ini tashkil etadi. Biz sarmoya kiritishda davom etadigan yo‘nalishlardan biri iqtidorli yoshlarni qo‘llab-quvvatlashdir. Chunki bizning uzoq muddatli texnologik yechimlarimiz yosh avlod bilimiga bog‘liq bo‘ladi”.