Turkiy davlatlar kosmik hamkorlikni rivojlantirish bo‘yicha shartnoma imzoladi
2026-10-07 09:00:00 / Vazirlik yangiliklari
Antaliyada davom etayotgan 77-Xalqaro astronavtika kongressi doirasida Turkiy davlatlar tashkilotiga a’zo mamlakatlar o‘rtasida kosmik sohadagi hamkorlikni yanada rivojlantirishga qaratilgan navbatdagi muhim uchrashuv bo‘lib o‘tdi. Unda Uzcosmos agentligi direktori Shuhrat Kadirov ishtirok etdi.
Tadbir doirasida Ozarbayjon, Qozog‘iston, Turkiya va O‘zbekiston tomonidan “Turkiy davlatlar tashkiloti doirasida hamkorlik salohiyatini rivojlantirish bo‘yicha kosmik sanoat sohasidagi dastlabki shartnoma” imzolandi.
Mazkur hujjat TDTga a’zo davlatlar o‘rtasida kosmik texnologiyalar, sun’iy yo‘ldoshlarni ishlab chiqish, ilmiy tadqiqotlar, sanoat kooperatsiyasi va salohiyatni oshirish yo‘nalishlarida institutsional hamkorlikni mustahkamlash yo‘lidagi muhim qadam bo‘ldi.