O‘zbekiston Respublikasi Konstitutsiyasi va “Davlat organlari faoliyatining ochiqligi to‘g‘risida”gi Qonunga muvofiq, har bir fuqaro davlat organlari va tashkilotlarining faoliyati, ularning qarorlari, majburiyatlari hamda ko‘rsatilayotgan xizmatlar to‘g‘risida axborot olish huquqiga ega.

1. Fuqarolarning huquqlari:

• Davlat organi va tashkilotlarining rasmiy veb-sayti, axborot portallari va boshqa ochiq manbalar orqali axborot olish;

• Yozma yoki elektron so‘rov yuborish orqali ma’lumot so‘rash;

• Olingan axborotni erkin tahlil qilish, qayta ishlash va tarqatish;

• Shaxsiy ma’lumotlari himoya qilinishini talab qilish.

2. Axborot olishning asosiy manbalari:

• O‘zbekiston Respublikasi Hukumat portali — www.gov.uz

• O‘zbekiston Respublikasi ochiq ma’lumotlar portali — www.data.gov.uz

• O‘zbekiston Respublikasi interaktiv davlat xizmatlari portali — www.my.gov.uz

• Qo‘mitaning rasmiy veb-sayti — www.gov.uz/cirns

3. Axborot so‘rovini yuborish tartibi:

Fuqarolar yozma yoki elektron shaklda so‘rov yuborishlari mumkin. So‘rovda:

• so‘rov yuboruvchi shaxsning F.I.Sh. (yuridik shaxs bo‘lsa — nomi va manzili);

• kerakli axborot turi va mazmuni;

• aloqa ma’lumotlari (telefon, elektron pochta) ko‘rsatilgan bo‘lishi lozim.

So‘rovlar qonunchilikda belgilangan tartibda 15 ish kuni ichida ko‘rib chiqiladi.

4. Axborotdan foydalanish cheklovlari:

Davlat siri, xizmat siri yoki shaxsiy ma’lumotlarni o‘z ichiga olgan axborotlar oshkor etilmaydi.

5. Qo‘shimcha ma’lumot:

Davlat axborotidan foydalanish huquqi fuqarolarning ochiq, shaffof va hisobdor davlat boshqaruvi tizimini shakllantirishdagi ishtirokini ta’minlashga qaratilgan.