“Саноат, радиация ва ядро хавфсизлиги соҳасида давлат назоратини такомиллаштириш бўйича қўшимча чора-тадбирлар тўғрисида”ги Президент Фармони (ПФ-224-сон, 24.12.2024 й. https://lex.uz/ru/pdfs/7281206) қабул қилинди.
⚡️ Фармонга кўра, Саноат, радиация ва ядро хавфсизлиги қўмитаси (Қўмита) раиси ва унинг ўринбосарлари зиммасига 2025 йилда қуйидаги устувор вазифалар юкланди, жумладан:
🔹саноат, радиация ва ядро хавфсизлиги ҳамда истироҳат боғлари аттраксионларидан фойдаланишдаги хавфсизлик талабларини қайта кўриб чиқиш;  
🔹саноат хавфсизлигини таъминлашда масофадан назорат қилиш механизмини жорий этиш;
🔹саноат, радиация ва ядро хавфсизлиги тўғрисидаги қонунчилик талабларини бузганлик учун жавобгарликни кучайтириш.
🏢 Тоғ-кон саноати ва геология соҳасини назорат қилиш инспексиясининг металлургия тармоғида хавфсизликни назорат қилиш функсияси Қўмитага ўтказилади.
✅  Инспекция тузилмасидаги Бекобод кон-техника инспекцияси тугатилади.
📁 Қўмита тузилмасида қуйидагилар ташкил этилади:
🔹Навоий саноат хавфсизлиги инспекцияси; 
🔹Олмалиқ саноат хавфсизлиги инспекцияси;  
🔹Бекобод саноат хавфсизлиги инспекцияси; 
🔹Темир йўл саноат хавфсизлиги инспекцияси.
🖥 2025 йил якунигача “Ягона интеграциялашган экотизим” ахборот тизими ишга туширилади.  
📚 2025 йил 1 июлдан саноат, радиация ва ядро хавфсизлиги соҳасидаги белгиланган ҳуқуқбузарликлар учун юридик шахсларга жарима қўллаш тартиби жорий этилади.
https://lex.uz/ru/pdfs/7281206