📜 Мазкур сертификат «Контехназоратўқув» Давлат муассасасининг коррупциянинг ҳар қандай кўринишларига нисбатан муросасиз муносабатини ифода этади ҳамда муассаса тингловчилари ва бизнес ҳамкорларининг ишончини мустаҳкамлашга хизмат қилади.

🏛️ Қўмита тизимида халқаро стандартлар асосида фаолият юритувчи коррупцияга қарши кураш тизими жорий этилган бўлиб, ISO 37001:2016 халқаро стандарти талабларига мувофиқлаштириш мақсадида маҳаллий мутахассислар билан ҳамкорликда бир қатор чора-тадбирлар амалга оширилган.

✅ Хусусан:

• Коррупцияга олиб келиши мумкин бўлган таҳдид ва хавф-хатарлар баҳоланди;

• Уларни камайтириш чоралари белгилаб олинди;

• Қўмита назорати остидаги хавфли ишлаб чиқариш объектларида ходимлар билан муносабатлардаги коррупциявий хавф ҳолатларини аниқлаш ва бартараф этиш тизими йўлга қўйилди;

• Ходимлардан коррупцияга қарши сиёсатга мувофиқлиги тўғрисида декларациялар қабул қилинди;

• Юқори хавф остидаги ходимлар рўйхати юритила бошланди.

Бу ишлар тизимда коррупция ҳолатларининг олдини олишга, ҳамда мурожаат этувчилар учун очиқлик ва шаффофлик тамойиллари асосида фаолиятни янги босқичга олиб чиқишга хизмат қилмоқда.

☎️ Коррупцияга қарши курашиш ва аҳоли билан самарали мулоқотни йўлга қўйиш мақсадида Қўмитанинг 71 203 02 39 рақамли «Ишонч телефони» фаолият кўрсатмоқда.
🕒 Алоқа линияси 24/7 режимида, аноним мурожаатларни ҳам қабул қилади.

ℹ️ Коррупцияга қарши курашиш бўйича фаолият ҳақида қўшимча маълумотни Саноат, радиация ва ядро хавфсизлиги қўмитасининг расмий сайти орқали олиш мумкин:
👉 https://gov.uz/oz/cirns/pages/korrupsiyaga-qarshi-kurash