“Mahallada obodlik va mehr-saxovat oyligi” doirasidagi vazifalar muhokama qilindi
2026-07-17 18:35:00 / Yangiliklar
Prezident Shavkat Mirziyoyev raisligida mahallalarda yangi muhit yaratish hamda “mahalla yettiligi” faoliyatini yangicha tashkil etish yuzasidan o‘tkazilgan videoselektor yig‘ilishi ijrosi doirasida bugun erta tongdan Uzun tumani hokimi Xabibulla Bozorov boshchiligida hokim o‘rinbosarlari, tashkilot va korxona rahbarlari, deputatlar hamda nuroniylar ishtirokida Guliston mahallasida uchrashuv o‘tkazildi.
Unda Guliston mahallasini namunaviy hududga aylantirish, mahalla va xonadonlarni keng ko‘lamda obodonlashtirish, hududning sanitariya holatini yaxshilash, xotin-qizlar va yoshlar bandligini ta’minlash hamda barcha yo‘nalishlarda boshqalarga o‘rnak bo‘ladigan mahalla muhitini shakllantirish masalalari muhokama qilindi. Shuningdek, belgilangan vazifalarni sifatli va o‘z vaqtida amalga oshirish bo‘yicha mas’ullarga tegishli topshiriqlar berildi.