1.

Normativ-huquqiy hujjat turi, nomi va rekvizitlari

Oʻzbekiston Respublikasi Vazirlar Mahkamasining “Maktabgacha taʼlim sohasida davlat-xususiy sheriklik munosabatlarini zamonaviy raqamli texnologiyalar yordamida soddalashtirish chora-tadbirlari toʻgʻrisida” 2022-yil                          2-avgustdagi 426-son qarori

2.

TSTBni oʻtkazuvchi davlat organi yoki tashkiloti

Maktabgacha va maktab taʼlimi vazirligi

3.

Vakolatli organlarning xulosalari olinganligi

Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasi, Ekologiya va iqlim oʻzgarishi milliy qoʻmitasi

4.

Sana

2026-yil 23-aprel

Tartibga solish taʼsirini baholash natijalari

5.

Xulosa

TSTBdan oʻtkazish natijalari boʻyicha Vazirlar Mahkamasining 2022-yil 2-avgustdagi 426-son qaroridagi tartibga solish usullarining amal qilishi maqsadga muvofiq, shuningdek, bugungi kunda qarorga oʻzgartirish kiritish yoki bekor qilish zarurati mavjud emas.

6.

Hujjatning taʼsir doirasi

Qaror tartibga solish usuli taʼsir koʻrsatayotgan obyektlar boʻlib, davlat-xususiy sheriklik shaklidagi katta loyihalar (DXSh bog‘chalari) va oilaviy nodavlat maktabgacha taʼlim tashkilotlari hisoblanadi.

7.

Hujjatning natijadorligi va samaradorligi

Mazkur qaror tartibga solish usuli bilan oʻrnatilganda oʻtgan davrda maktabgacha taʼlim sohasida davlat-xususiy sheriklik jarayonlarini yanada takomillashtirilganligi aniqlandi.

Jumladan, Maktabgacha va maktab taʼlimi vazirligi tomonidan 2024-yilda
4491 nafar, 2025-yilda 1187 nafar hamda 2026-yilning yanvar-iyul oylarida
700 nafar yakka tartibdagi tadbirkorlar bilan oilaviy nodavlat maktabgacha taʼlim tashkiloti faoliyatini tashkil etish boʻyicha bitimlar imzolangan. Shuningdek, oilaviy nodavlat maktabgacha taʼlim tashkilotlari tomonidan 2025-yilda 50040 nafar hamda 2026-yilning yanvar-iyul oylarida 28187 nafar bogʻcha yoshidagi bolalarni maktabgacha taʼlim qamrab olish imkoniyati yaratildi.

8.

Hujjatning ijobiy va salbiy oqibatlari

Qarordagi tartibga solish usulini qoʻllash natijasida xususiy sektorni qo‘llab-quvvatlash orqali nodavlat maktabgacha taʼlim tashkilotlari soni oshmoqda, byudjet mablag‘laridan samarali va maqsadli foydalanish taʼminlanmoqda, bolalarga munosib shart-sharoitlar yaratish hamda maktabgacha taʼlim bilan qamrab olish koʻrsatkichlari oshmoqda.

Aholiga maktabgacha taʼlim xizmatlarini koʻrsatish kengaymoqda, bu oʻz navbatida ota-onalar bandligini taʼminlashga, kambagʻallikni qisqartirishga oʻz hissasini qoʻshmoqda.