Mamlakat: O‘zbekiston Respublikasi

Loyiha nomi: “O‘zbekiston o‘rta ta’limda fan, texnologiya, muhandislik va matematika” loyihasi

Kredit raqami: 4662-UZB-son

Topshiriq nomi: Loyihani amalga oshirish va ta’limni boshqarish bo‘yicha konsultant

Paket raqami: CS-1-son

Topshiriq: Xalqaro

1. O‘zbekiston Respublikasi Maktabgacha va maktab ta’limi vazirligi (keyingi o‘rinlarda “Buyurtmachi” deb yuritiladi) Osiyo taraqqiyot bankidan (keyingi o‘rinlarda “OTB” deb yuritiladi) “O‘zbekiston o‘rta ta’limda fan, texnologiya, muhandislik va matematika” loyihasini (keyingi o‘rinlarda “Loyiha” deb yuritiladi) moliyalashtirish uchun kredit shaklida mablag‘ olgan. Buyurtmachi mazkur qarz mablag‘larining bir qismini konsalting xizmatlari bo‘yicha maqbul to‘lovlarni amalga oshirish uchun yo‘naltirishni rejalashtirmoqda.

Loyihaning maqsadi o‘rta ta’lim o‘quvchilarini rivojlanib borayotgan va xilma-xil mehnat bozorida muvaffaqiyatli faoliyat yuritishlari uchun zarur bo‘lgan takomillashtirilgan STEM kompetensiyalari bilan ta’minlashdan iborat.

Konsalting xizmatlari (keyingi o‘rinlarda “Xizmatlar” deb yuritiladi) Loyiha amalga oshirilishi davri davomida Buyurtmachiga Loyihani amalga oshirish va ta’limni boshqarish bo‘yicha kompleks ko‘mak ko‘rsatishni nazarda tutadi. Xizmatlar Loyihani rejalashtirish, muvofiqlashtirish, xaridlarni amalga oshirish, monitoring qilish, hisobotlarni tayyorlash va institutsional salohiyatni rivojlantirishni; ishlar, tovarlar va konsalting xizmatlari bo‘yicha shartnomalarni amalga oshirish va monitoring qilishni qo‘llab-quvvatlashni; STEM ta’limi sohasidagi islohotlar, o‘qituvchilarni tayyorlash, baholash tizimlari, ta’lim texnologiyalari va maktab darajasidagi tadbirlarni qo‘llab-quvvatlashni; Qarz bitimi, Loyihani boshqarish qo‘llanmasi (PAM) va OTBning qo‘llaniladigan talablariga rioya etilishini monitoring qilishni; manfaatdor tomonlar o‘rtasidagi hamkorlikni muvofiqlashtirishni; xalqaro o‘quv tashriflari va salohiyatni oshirish tadbirlarini tashkil etishni; shuningdek, Natijalar va monitoring matritsasida (DMF) belgilangan Loyiha natijalari, yakuniy natijalari va maqsadli ko‘rsatkichlariga erishishda Buyurtmachiga ko‘mak ko‘rsatishni o‘z ichiga oladi.

2. Konsalting kompaniyasi OTBning Xaridlar siyosati (2017 yil) hamda OTB kredit oluvchilari uchun Xaridlar direktivasi (2026 yil, vaqti-vaqti bilan kiritiladigan o‘zgartirishlar bilan)ga muvofiq, to‘liq texnik taklifdan (FTP) foydalangan holda sifat va narx asosida tanlash (QCBS) usuli orqali tanlab olinadi. Mazkur hujjatlar bilan quyidagi havolalar orqali tanishish mumkin:

https://www.adb.org/documents/adb-procurement-policy;

https://www.adb.org/documents/procurement-directive-adb-borrowers.

Buyurtmachi mazkur Xizmatlarni ko‘rsatish bo‘yicha qiziqish bildirish uchun tegishli konsalting kompaniyalarini (keyingi o‘rinlarda “Konsultantlar” deb yuritiladi) taklif etadi. Manfaatdor Konsultantlar Xizmatlarni bajarish uchun zarur malaka va tegishli tajribaga ega ekanligini tasdiqlovchi ma’lumotlarni taqdim etishi lozim.

Qiziqish bildirish arizalarini (EOI) baholash mezonlari:

Boshqaruv kompetensiya

• Ta’lim sohasi, ijtimoiy soha yoki davlat sektori rivojlanishi loyihalari doirasida loyihalarni amalga oshirish, ta’limni boshqarish, institutsional mustahkamlash, salohiyatni rivojlantirish hamda ishlar va tovarlar paketlarini amalga oshirishni qo‘llab-quvvatlash bo‘yicha tasdiqlangan tajriba va salohiyat.

Texnik kompetensiya

1. Ta’lim sohasi, ijtimoiy soha yoki davlat sektori rivojlanishi loyihalari doirasida konsalting xizmatlarini ko‘rsatish bo‘yicha kamida o‘n (10) yillik umumiy tajriba.
2. 2015–2025 yillar davrida ta’lim sohasi, ijtimoiy soha yoki davlat sektori rivojlanishi loyihalari doirasida loyihani amalga oshirish yoki loyihani boshqarishni qo‘llab-quvvatlashni nazarda tutuvchi kamida ikki (2) ta yakunlangan konsalting topshirig‘i.
3. 2-band bo‘yicha taqdim etilgan yakunlangan topshiriqlardan kamida bittasi ta’limni boshqarish, o‘qituvchilarni tayyorlash, o‘qituvchilarning kasbiy rivojlanishi, o‘quv dasturlarini ishlab chiqish yoki qo‘llab-quvvatlash, ta’lim texnologiyalari, STEM ta’limi, maktablarni boshqarish, institutsional mustahkamlash yoki salohiyatni rivojlantirish tadbirlarini o‘z ichiga olgan bo‘lishi lozim.
4. 2-band bo‘yicha taqdim etilgan yakunlangan topshiriqlardan kamida bittasi qurilish ishlari, tovarlar, laboratoriya inshootlari yoki laboratoriya jihozlari, ta’lim obyektlari, infratuzilma, o‘rnatish, ishga tushirish, xaridlarni qo‘llab-quvvatlash yoki bir nechta obyektlarda amalga oshirish tadbirlari bo‘yicha amalga oshirishni qo‘llab-quvvatlash, muvofiqlashtirish, nazorat, monitoring yoki boshqaruvni o‘z ichiga olgan bo‘lishi lozim.
5. 2-band bo‘yicha taqdim etilgan yakunlangan topshiriqlardan kamida bittasi xalqaro moliya instituti yoki xalqaro rivojlanish hamkori tomonidan moliyalashtirilgan bo‘lishi lozim.

3. Mazkur topshiriq bo‘yicha batafsil Texnik topshiriq (TOR) quyidagi havola orqali mavjud:

https://selfservice.adb.org/OA_HTML/adb/xxcrs/jsp/ADBCsrnFwd.jsp?sel=226726. Qiziqish bildirish arizalari (EOI) OTB Konsultantlarni boshqarish tizimi (ADB Consultant Management System – CMS) orqali elektron shaklda 2026 yil 14 avgust kuni Manila mahalliy vaqti bilan soat 23:59 dan kechiktirmay topshirilishi lozim.