Xabaringiz bor, Davlatimiz rahbarining Turkiyaga rasmiy tashrifi davomida ikki davlat rahbarlari tashabbusi bilan Istanbul shahrida tashkil etilishi rejalashtirilgan Oʻzbekiston Respublikasi umumtaʼlim maktabi qurilishiga tamal toshi qoʻyildi.
Tadbirda Maktabgacha va maktab taʼlimi vaziri Eʼzoza Karimova hamda vazirlik mas’ul xodimlari ham ishtirok etdi.
600 oʻrinli mazkur maktab Oʻzbekistonning xorijda tashkil etilayotgan ilk davlat taʼlim muassasasi hisoblanadi.
Oʻquv jarayoni oʻzbek tilida, Oʻzbekistonning umumtaʼlim dasturlari asosida olib boriladi.
Ushbu madaniy hamkorlik ikki qardosh davlat oʻrtasidagi mustahkam doʻstlik va mushtarak maqsadlarning yorqin ifodasidir.