“Oʻzbekiston – 2030” strategiyasi va milliy taʼlim islohotlari dasturi doirasida, Oʻzbekiston Respublikasi Maktabgacha va maktab taʼlimi vazirligi hamda Iqtisodiyot va moliya vazirligi Andijon va Samarqand viloyatlarida umumtaʼlim maktablarini tashkil etish boʻyicha davlat-xususiy sheriklik loyihasini amalga oshirishni rejalashtirmoqda. Loyiha doirasida umumiy 10 000 oʻquvchiga moʻljallangan 12 ta yangi maktab infrastrukturasi barpo etiladi.

Jahon banki guruhi aʼzosi boʻlgan Xalqaro moliya korporatsiyasi bilan hamkorlikda, loyihani tayyorlash va tender jarayonlarini qoʻllab-quvvatlash doirasida, Hukumat ochiq va raqobatli xalqaro tanlov asosida malakali xususiy sherikni tanlab olishni va keyinchalik uzoq muddatli davlat-xususiy sheriklik shartnomasini imzolashni maqsad qilgan.

Davlat sherigi sifatida harakat qiluvchi Maktabgacha va maktab taʼlimi vazirligi ushbu loyiha boʻyicha Malakani baholash soʻrovida (“RFQ”) ishtirok etishga qiziqish bildirgan tomonlarni taklif etadi.

Tender ikki bosqichda amalga oshiriladi:

1. Malakani baholash soʻrovi (RFQ)
2. Takliflarni soʻrash (Request for Proposal)

Qiziqish bildirgan tomonlar oʻz malakani baholash arizalarini 2026-yil 3-mart sanasigacha (Toshkent vaqti bilan soat 18:00 gacha) Virtual maʼlumotlar platformasi orqali taqdim etishlari mumkin.

Virtual maʼlumotlar platformasiga kirish, malakani baholash arizalarini yuborish yoki Loyiha va RFQ boʻyicha aniqlik kiritish uchun soʻrov yuborish maqsadida, har bir ishtirokchi tomonning vakili quyidagi elektron pochta manzillariga qiziqish bildirgan tomonning nomi, manzili va beshta (5) tagacha kontakt elektron manzillari roʻyxatini yuborishi lozim:

XMK – Loyihaning yetakchi maslahatchisi: uzbekistan_schools_project@ifc.org

Koʻchirma nusxasi uchun:

MoPSE: Azamat Nishonov (a.nishonov@uzedu.uz)
MoEF: Xasan Mirzayev (Xasan.Mirzayev@imv.uz)