O'zbekiston Respublikasi Prezidenti Administratsiyasi rahbari o‘rinbosari Hilola Umarova Yinghua Academy Group xalqaro ta’lim tashkiloti rahbari Lin Xiangyang bilan uchrashdi.

Unda O‘zbekiston va Xitoy o‘rtasidagi ta'lim hamkorligini rivojlantirish masalalari haqida so‘z yuritildi. Shuningdek, Xitoy ta’lim muassasalarida yaratilgan shart-sharoitlar bilan tanishildi.

Ikki tomonlama uchrashuvlarda Vuqing tuman hokimi Xu Yingvu so’zga chiqib o'zaro hamkorlik aloqalarini yo‘lga qo‘yishga tayyorligini ma’lum qildi.

Ma’lumot uchun: tomonlar mazkur hamkorlik natijasida O‘zbekiston ta'lim muassasalarida ishlash uchun malakali xitoylik pedagoglar va tarbiyachilarni jalb qilishga kelishib olishdi.