O‘rmon va yashil hududlarni ko‘paytirish, cho‘llanishga qarshi kurashish agentligi

Xususan, Qoraqalpog‘iston Respublikasining Xo'jayli tumanida 2000 dan ortiq, Buxoro viloyatining  Buxoro shahridagi "Yangi O‘zbekiston" bog‘ida 2000 tup, Jizzax viloyatining Sharof Rashidov tumanida 6500 tup, Sirdaryo viloyati Sirdaryo tumanida 6000 tup, Namangan viloyati Davlatobod tumanida 5000 tup daraxt ekildi.

Shuningdek, Toshkent viloyati Nurafshon shahrida 1700 tup, Navoiy viloyati Karmana tumanida 2000 tup, Toshkent shahrida 1000 tup, Qashqadaryo viloyati Qarshi tumanida 2000 tup, Andijon viloyatida esa 6000 tup daraxt ko‘chatlari o‘tqazildi.

Ma'lumot uchun, ayni damda Samarqand UNESCO Bosh konferensiyasining 43-sessiyasiga mezbonlik qilmoqda. Tadbir doirasida "Boqiy shahar"da va Samarqand viloyatining Qorasuv hududida ham daraxtlar ekildi. Bu hududlarda UNESCOning 80 yilligiga bag‘ishlab yashil bog‘ barpo etilmoqda va ramziy ma'noda 80 mingta daraxt ko‘chatlari o‘tqaziladi.

Ta'kidlash joizki, yashil bog‘ 9 qismga bo‘linadi va Sohibqiron Amir Temurning mashhur 9 ta bog‘i xususiyatlarini o‘zida aks ettiradi. Mazkur bog‘ UNESCOning atrof-muhitni muhofaza qilish borasidagi tamoyillariga to‘liq mos keladi hamda O‘zbekiston ekologik tashabbuslarda bardavom ekanligini ifodalaydi.