O‘rmon va yashil hududlarni ko‘paytirish, cho‘llanishga qarshi kurashish agentligi

Treningni o‘tkazishdan asosiy maqsad aholi va xodimlar o‘rtasidagi shikoyatlarni bartaraf etish yo‘llari, loyiha doirasida olingan traktorlarning xavfsizligini ta’minlash hamda ulardan ekologiyaga zarar yetkazmasdan foydalanish kabi masalalarni hududlarda keng targ‘ib etishdan iborat.

Sirdaryo o‘rmon xo‘jaligining mas’ul xodimlari, o‘rmon hududi atrofida yashovchi aholi vakillari ishtirok etgan seminarda loyiha amalga oshiriladigan hududlar atrofida yashovchi aholidan kelib tushadigan shikoyatlarni hal qilish choralari va muddatlari haqida ma’lumot berildi.

Shuningdek, ushbu shikoyatlarni telefon orqali, og‘zaki,  ijtimoiy tarmoqlardan anonim tarzda yoki yozma tarzda shikoyatlar qutisida qabul qilish, ularni bartaraf etish bosqichlari, genderga asoslangan shikoyatlarni olish va bartaraf etish mexanizmlari bo‘yicha tushuntirishlar olib borildi.

Shu bilan birga, o‘rmon xo‘jaliklarida ekologik va ijtimoiy xavfsizlikni ta’minlash, xarid qilinayotgan texnikalarni qabul qilish jarayonida qonunchilikka asoslangan sanitar normalar, ular joylashtiriladigan garajlar hajmi va ularga qo‘yiladigan talablar, mehnat muhofazasi, ekologik talablar, moy almashtirish jarayonlarining tartibi, atmosfera himoyasi hamda Jahon banki xalqaro standartlari haqida to‘liq ma’lumot berildi.

Yakunda ishtirokchilarning mavzuga oid savollariga batafsil javoblar berildi. Bu kabi seminar-treninglar loyiha olib borilayotgan boshqa tumanlarda ham tashkil etilishi rejalashtirilgan.