"Green University" davlat universiteti hisoblanadimi? Eng ko‘p beriladigan savollarga rektordan javoblar
2026-07-28 11:05:00 / Yangiliklar
Unda universitetni bitirgan talabalar ish topa oladimi, qancha daromad qilishi mumkin, "Green University"ning boshqa ta'lim muassasalaridan ustun jihatlari nimada, talabalar uchun qanday grantlar ajratilgan, talabalar chet davlatlarda ham malaka oshira oladimi, xalqaro tashkilotlar ishlashi mumkinmi va boshqa shu kabi savollarga batafsil javob berildi.
"Bugungi kunda ekologiya har bir soha uchun dolzarb bo‘lib bormoqda. Ya'ni har qanday soha uchun kuchli ekologlar kerak. "Green University" ana shunday mutaxassislarni tayyorlab beradi. Ya'ni universitetni bitirgan talabalar yurtimizdagi istalgan davlat tashkilotida, shuningdek, xalqaro tashkilotlarda ham ishlay oladi", — deydi rektor Baxtiyor Po‘latov.
Suhbat davomida "Green University"ga 35 davlatdan abituriyentlar hujjat topshirgani haqida aytib o‘tildi. Shuningdek, universitet talabalari bilan ham suhbat o‘tkazilib, ularning fikrlari tinglandi.
