O‘zbekiston Respublikasi Suv xo‘jaligi vazirligi faoliyatiga doir axborotni barcha tanishishi mumkin bo‘lgan binolar va joylarda joylashtirish tartibi to‘g‘risidagi
Yo‘riqnoma

O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonunining 14-moddasiga muvofiq O‘zbekiston Respublikasi Suv xo‘jaligi vazirligi (bundan keyin vazirlik) o‘zi egallab turgan hamma kirishi mumkin bo‘lgan xonalarda va (yoki) boshqa ajratilgan joylarda faoliyati to‘g‘risidagi axborot bilan axborotdan foydalanuvchilar tanishishi uchun axborot stendlarini va (yoki) shunday maqsad uchun mo‘ljallangan boshqa texnik vositalarni joylashtirishi shart.

Axborot stendlarida va (yoki) shunday maqsad uchun mo‘ljallangan boshqa texnik vositalarda quyidagilar bo‘lishi kerak:

vazirlikning huquqiy maqomini belgilovchi normativ-huquqiy hujjatlar ro‘yxati;

vazirlikning ish tartibi to‘g‘risidagi ma’lumotlar, ma’lumot xizmati telefonlarining, ishonch telefonlarining raqamlari;

vazirlikning rejalashtirilayotgan ochiq hay’at majlislari to‘g‘risidagi axborot;

arizalarni, takliflarni hamda shikoyatlarni qabul qilish tartibi to‘g‘risidagi axborot;

vazirlikning faoliyati to‘g‘risida axborot olishga doir so‘rovni qabul qilish tartibi haqidagi axborot;

vazirlik tomonidan ko‘rsatiladigan davlat xizmatlarining ro‘yxati.

Axborot stendlarida va (yoki) shunday maqsad uchun mo‘ljallangan boshqa texnik vositalarda qonun hujjatlariga muvofiq vazirlikning faoliyati to‘g‘risidagi boshqa axborot ham bo‘lishi mumkin.