SUVNI TEJASH VA HISOBINI YURITISH MASALASI MUHOKAMA ETILDI
2025-04-25 16:30:00 / Yangiliklar
Qoraqalpog‘iston Respublikasi Suv xo‘jaligi vazirligi mas’ullari Qorao‘zak tumanida bo‘lib, sohadagi ustuvor yo‘nalishlar bo‘yicha belgilangan vazifalar ijrosini o‘rganishdi hamda dala sharoitida o‘tkazilgan seminarda amalga oshiriladigan vazifalar belgilandi.
Tumandagi “Reyimqul Berdali” fermer xo‘jaligining dalasida o‘tkazilgan tadbirda suvni tejaydigan sug‘orish texnologiyalarini joriy etish, suv iste’molchilariga ajratilgan suv limitlari doirasida shartnomalar tuzish kabi masalalar muhokama etildi.
– Tumanlarda o‘tkazilayotgan bu kabi tadbirlarda oldin qurilgan suv tejovchi texnologiyalardan foydalanish holati o‘rganilib, tegishli tavsiyalar, servis xizmatlari bo‘yicha ma’lumotlar berilmoqda, – dedi Qoraqalpog‘iston Respublikasi Suv xo‘jaligi vazirligi Suvni tejaydigan sug‘orish texnologiyalarnijoriy qilish bo‘yicha bosh mutaxassis A.Qidirbayev. – Bu fermer xo‘jaliklariga har tomonlama ko‘mak bo‘ladi, albatta.
Qoraqalpog‘iston Respublikasi
Suv xo‘jaligi vazirligi matbuot xizmati