O‘zbekiston Respublikasi Suv хo‘jaligi vazirligi

Davra suhbatida ta’kidlandiki, Prezidentimiz tomonidan sohani rivojlantirishga qaratilgan qator farmon va qarorlar qabul qilinib, ularni ijro etishning aniq mexanizmlari belgilab berildi. Xususan, “O‘zbekiston Respublikasi Suv xo‘jaligini rivojlantirishning 2020 – 2030-yillarga mo‘ljallangan konsepsiyasi” suv xo‘jaligi ob’ektlarini modernizatsiya qilish va rivojlantirishda, sohaga bozor tamoyillari, mexanizmlari, shuningdek raqamli texnologiyalarni keng joriy etishda muhim ahamiyat kasb etmoqda.

Shuningdek, “O‘zbekiston-2030” strategiyasini “Atrof-muhitni asrash va “yashil iqtisodiyot” yilida amalga oshirishga oid  davlat dasturining “Suv resurslarini tejash va atrof-muhitni muhofaza qilish yo‘nalishi bo‘yicha 2025 yilga mo‘ljallangan amaliy tadbirlar rejasi”da  respublikada suvdan oqilona foydalanish madaniyatini va suv ishlatish samaradorligini oshirish, qishloq xo‘jaligi sohasida suv resurslaridan oqilona foydalanishni ta’minlash, irrigatsiya tizimi va suv tejovchi texnologiyalarni rivojlantirish, soha boshqaruviga xususiy sektor va davlat-xususiy sheriklik mexanizmlarini keng joriy etish, shu bilan birga, kanallarda suv yo‘qotilishining oldini olish bo‘yicha zamonaviy va samarali yondoshuvlarni joriy qilishga doir utuvor vazifalar belgilab berildi.

Davra suhbatida Qonunchilik palatasi tomonidan qabul qilinib, kuni kecha Senatning yalpi majlisida ma’qullangan “O‘zbekiston Respublikasining “Suv kodeksi”i suv va suvdan foydalanish sohasidagi munosabatlarni yangi bosqichga olib chiqishi e’tirof etildi.

Tadbir yakunida xalq vakillari tomonidan sohaga oid qonunlarni takomillashtirish, ularning joylardagi ijrosini nazorat-tahlil faoliyati tartibida o‘rganish bo‘yicha vazifalar belgilab olindi.

Davra suhbatida O‘zbekiston Respublikasi Oliy Majlisi Qonunchilik palatasidagi O‘zbekiston ekologik partiyasi fraksiyasining rahbari Abdushukur Hamzayev, Suv xo‘jaligi vazirining o‘rinbosari Zokir Ishpulatov ishtirok etdi va so‘zga chiqdi.

Axborot xizmati