O‘zbekiston Respublikasi Suv хo‘jaligi vazirligi

Hujjatda O‘zbekiston Respublikasi Prezidentining “Suv xo‘jaligida zamonaviy boshqaruv tizimini joriy qilish va rivojlantirishning ustuvor yo‘nalishlarini belgilash to‘g‘risida” 2024-yil 7-maydagi PF-74-son Farmoniga muvofiq O‘zbekiston Respublikasi Suv xo‘jaligi vazirligi va uning tizimidagi tashkilotlar faoliyatini tartibga solish, ularning asosiy vazifalari va funksiyalari hamda huquq va majburiyatlari belgilab berilgan.

Qaror 13 ta ilovadan iborat bo‘lib, jumladan, unga ko‘ra quyidagilar tasdiqlandi:

O‘zbekiston Respublikasi Suv xo‘jaligi vazirligi to‘g‘risidagi nizom;

Suv xo‘jaligi vazirligi huzuridagi Suv xo‘jaligi ob’ektlarini ekspluatatsiya qilish agentligi to‘g‘risidagi Suv xo‘jaligi loyihalarini amalga oshirish departamenti  to‘g‘risidagi, Suv xo‘jaligida xorijiy investitsiya loyihalarini amalga oshirish markazi to‘g‘risidagi  nizomlar.

Mazkur nizomlar bilan, Suv xo‘jaligi ob’ektlarini ekspluatatsiya qilish agentligi, Suv xo‘jaligi loyihalarini amalga oshirish departamenti hamda Suv xo‘jaligida xorijiy investitsiya loyihalarini amalga oshirish markazlarining maqomi, asosiy vazifalari va funksiyalari, huquqlari, majburiyatlari, rahbariyatning asosiy funksional majburiyatlari va javobgarligi, vazirlik faoliyatini tashkil etish, moliyalashtirish, uning xodimlari mehnatiga haq to‘lash va moddiy rag‘batlantirish tartibi belgilandi.

Buning natijasida, ularda faoliyat yuritayotgan 33 ming nafardan ortiq rahbar-xodimlarning maqomi yaxshilangan holda, yuklatilgan vazifalar ijrosini yanada sifatli amalga oshirilishi hamda quyi bo‘g‘in ustidan siyosat va nazorat yuritilishi ta’minlanadi.

Shuningdek, ushbu xodimlarning mehnatiga haq to‘lash va moddiy rag‘batlantirish tartibini 20 foizga oshirgan holda, sohadagi kadrlar qo‘nimsizligining oldini olish hamda o‘z kasbiga bo‘lgan jonkuyarligini oshirilishiga erishiladi.

Xurshid Lapasov,

Suv xo‘jaligi vazirligining Inson resurslarini rivojlantirish va boshqarish boshqarmasi boshlig‘i