O‘zbekiston Respublikasi Suv хo‘jaligi vazirligi

Tadbirda O‘zbekiston Respublikasi Suv xo‘jaligi vaziri Shavkat Xamrayev so‘zga chiqib, baliqchilik tarmog‘ini jadal rivojlantirish, suv resurslaridan oqilona va samarali foydalanish, sohada aniq hisob-kitob hamda zamonaviy texnologiyalarni keng joriy etish haqida fikrlarini bildirdi.
Yig‘ilishda viloyatda baliqchilik yo‘nalishida faoliyat yuritayotgan 300 dan ortiq fermer xo‘jaligi vakillari qatnashdi. Qayd etilganidek, bugungi kunda Toshkent viloyatida jami 580 ta baliqchilik yo‘nalishidagi fermer xo‘jaligi faoliyat ko‘rsatmoqda.
Seminarda xo‘jaliklarni suv bilan ta’minlashda, eng avvalo, ularning suvga bo‘lgan haqiqiy ehtiyojini aniqlash, suv olish hajmlarini shu asosda belgilash va yetkazib berilgan suvning aniq hisobini yuritish masalalariga alohida e’tibor qaratildi.
Shuningdek, suv ta’minoti jarayonlarini raqamlashtirish, shartnomalarni elektron shaklda rasmiylashtirish, zamonaviy suv o‘lchash vositalarini o‘rnatish hamda suv olish va yetkazib berish ustidan raqamli nazoratni kuchaytirish yuzasidan vazifalar muhokama qilindi.
Vazir sun’iy suv havzalarida intensiv usulda baliq yetishtirishni kengaytirish, suvdan tejamkorlik bilan va bir necha bosqichda foydalanish, shu orqali mahsulot hajmini oshirish muhimligini ta’kidladi. Baliqchilik xo‘jaliklariga suv yetkazib berish tizimi shaffof, hisobli va zamonaviy talablarga mos bo‘lishi lozimligi qayd etildi.
Ochiq muloqot davomida fermerlar suv ta’minoti, suv olish hajmlarini belgilash, hisob-kitoblarni yuritish va suv o‘lchash vositalaridan foydalanish bo‘yicha o‘zlarini qiziqtirgan savollarni o‘rtaga tashlab, takliflarini bildirdi.
Yig‘ilish yakunida baliqchilik xo‘jaliklarining suv ta’minotiga doir hisob-kitoblarni xatlovdan o‘tkazish, elektron shartnomalarni rasmiylashtirish, suv o‘lchash vositalarini joriy etish va nazorat mexanizmlarini takomillashtirish bo‘yicha mas’ullarga aniq vazifalar belgilandi.
 

Chirchiq-Ohangaron ITHB matbuot xizmati