O‘zbekiston Respublikasi Suv хo‘jaligi vazirligi

• Hindiston ≈ yiliga 761 milliard m³

Dunyo aholisining 18%  va suv resurslarining taxminan 4% Hindistonga to‘g‘ri keladi. Mamlakatda suv resurslarining 80% qishloq xo‘jaligida ishlatiladi. Suv zaxiralarining katta qismi borish qiyin bo‘lgan joylar –  4000 metrdan baland bo‘lgan Himolay tog‘larining cho‘qqilarida joylashgan.

• Xitoy ≈ yiliga 601,6 milliard m³

Xitoy dunyo aholisining beshdan bir qismiga egalik qiladi, ammo u dunyodagi chuchuk suv resurslarining atigi 7% ga ega. O‘rtacha har bir kishiga yiliga 116 000 litr suv sarflaydi. Mamlakat suv resurslarining taxminan 85% qishloq xo‘jaligi sohasida ishlatiladi. 2035 yilga kelib, Xitoy sanoat ehtiyojlarini qondirish uchun zaxiralarini besh baravar oshirishi kerak bo‘ladi.

• Qo‘shma Shtatlar ≈ yiliga 444,3 milliard m³

Bir necha o‘n yillar davomida Qo‘shma Shtatlar dunyodagi eng yirik suv iste’molchilari qatorida bo‘lib kelgan. Nyu-York shahrining o‘zi har kuni taxminan bir million litr suv ishlatadi. Qo‘shma Shtatlarda iste’mol qilinadigan suvning chorak qismi atigi to‘rtta shtat: Kaliforniya, Texas, Aydaho va Florida tomonidan iste’mol qilinadi.
 

• Indoneziya ≈ yiliga 222,6 milliard m³
 

Indoneziyada iste’mol qilinadigan suvning 70% qishloq xo‘jaligida ishlatiladi. Mamlakatda ulkan suv zaxiralari mavjud bo‘lsa-da, uning katta qismi yer usti va yer osti suvlarining ifloslanishi tufayli iste’mol qilish uchun yaroqsiz.
 

• Pokiston ≈ yiliga 183,5 milliard m³

Indoneziya singari, Pokiston ham suvining taxminan 70% ni qishloq xo‘jaligi uchun ishlatadi. Bu mintaqada suv tanqisligi xavotirli darajaga yaqinlashmoqda.

Internet materiallari asosida O‘zJOKU 1-kurs talabasi M.Normaxmatova tayyorladi.